向希臘買個島返嚟,解救歐元危機

C1348714331525

本來我呢個睇法,己經去到膠觀點嘅地步,只不過,希臘反正玩到咁硬膠,為同時解救中國股市、歐洲經濟、香港人嘅問題,諸如此類,我諗條絕招出嚟大家參詳吓。

希臘偉大歷史係嚟自城邦,無錯,係城邦,雅典、斯巴達等都係城邦。依家香港有成八百幾億準備擲落高鐵黑洞度,除咗益中國鐵道部門班hihi,一啲好處都無,至少一定唔夠阻止希臘今晚走數。而香港有成棚人想建立自己嘅城邦,唔想再同中國人有任何關係。當你見啲大媽正宗跳老舞,晒bra咁重口味嘅事都做得出,你都唔想同佢有乜關係。

咁不如一家便宜兩家著,香港用嚟起高鐵嘅錢,不如向希臘買個島,建立香港城邦,呢個城邦嘅法律等一切制度同1997年6月30日前嘅英屬香港一樣,甚至枝旗都可以係香港旗,反正希臘都做過英國領土,然後BN(O)及其後代可以憑同希臘嘅關係成為希臘公民,並同時退出中國國籍。嗱,希臘即刻唔駛走數,成百億歐羅都止到吓咳,以香港人做生意手段高超,就算低稅唔交稅,全希臘人集體走稅都好,只要財政交俾香港人打理,香港人會有辦理利用個城邦解決希臘之困。跟住中國股市唔駛繼續跌,有啲攞咗BN(O)高幹乘機走佬,你話幾好。希臘空氣好,風景靚,點都俾香港吸廢氣,食劣食好。

北京不妨諗諗佢,大家有著數。

補記:根據寰雨膠事錄嘅研究,可以考慮買前英屬愛奧尼亞群島合眾國(United States of the Ionian Islands)島嶼,以下係英文維基所畫嘅地圖:

Ionian_Islands.svg

One thought on “向希臘買個島返嚟,解救歐元危機

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.