滑鐵盧戰役之後

1384292_10152884036681892_2163416037237870669_n

一場等埋發叔先嘅鬧劇,造就可能係中國共產黨歷史以嚟最大嘅政治慘敗,動用大量人力物力嘅中共,竟然敗喺一個戰術失誤,就係等埋發叔先。

劉皇發係咪食咗死貓唔重要,總結戰爭成果係重要。好簡單,我總結係三點:

1. 泛民呢次贏係有運氣,運氣主要喺土共對議術完全唔認識,喺議術認識上,有大批律師同大狀在陣嘅泛民係略有優勢,但唔代表呢個優勢可以維持,土共實狂改《議事規則》去彌補佢地嘅弱點,點樣喺議術上攻防,無論規則點改都會贏,係泛民要練習嘅目標。

2. 滑鐵盧戰役,法軍、英軍、普軍都係一堆膠,普魯士軍係勝利關鍵,而普魯士軍嘅指揮系統比法軍好就係關鍵因素,呢次睇到土共嘅指揮系統係膠嚟,泛民因為選民大綑綁,所以指揮系統垃圾都無人敢走票。泛民唔改進指揮系統,唔會有第二次勝利。

3. 泛民最大隱憂係內奸,特別何秀蘭果種內奸,如果呢次唔係田大少臨尾起義,何秀蘭同埋幾件未被發現嘅內奸,足以累死香港。迫何秀蘭退出政壇係必要,有技巧令泛民嘅內鬼上水十分重要,否則乜指揮系統,議術認識都係假。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.