一個睇落好膠,實際唔膠嘅計劃:香港-北愛連接計劃

螢幕快照 2015-07-03 上午11.25.55

歐洲人係鍾意玩膠,用膠嚟解決大量歷史遺留嘅膠問題,前幾日我提出不如用香港高鐵掟落鹹水海嘅錢買希臘若干島嶼,點知英國解密一份文件,考慮將五百五十萬香港人撤到北愛爾蘭。

呢份文件個idea睇落好膠,甚至未實行過,咁你錯喇,呢份文件明顯故意流出,而且英國後面嘅預備工作做得差唔多,一旦香港出現大量BN(O)流亡嘅時候,呢個計劃就會實施。

螢幕快照 2015-07-03 上午11.24.47

北愛政府典型嘅語言文件安排。

好多左膠喺度話點解唔立即安排幾百萬香港英籍人士到本土定居,一方面,喺英殖民史上,未有過大批放棄咗嘅殖民地人民有計劃咁搬返本土,另一方面,將前殖民地人民搬返自己本土,安排不當會一鑊粥,睇法國阿爾及爾嘅人民就知,阿爾及爾,即係今天阿爾及利亞,獨立前係法國本土一部分(唔係海外省嚟),阿爾及爾人及後代全部有權揸法國護照自由往來法國本土,大家睇吓呢班友未有搞好融合,喺法國搞到幾大鑊粥出嚟。

英國政府喺北愛做咗好多預備功夫:

1. 安排部分香港人喺當地居住試水溫
2. Good Friday Agreement後,香港移民Anna Lo當選北愛議會議員
3. 唔少北愛政府文件,除咗愛、英兩語,仲提供粵語版本
4. BBC Northern Ireland提供粵語廣播

經過咁多試驗,連香港移民後代都喺英格蘭成為MP,而北愛嘅關係大為緩和,甚至己經有BN(O)後代喺北愛或愛爾蘭出生關係,因愛爾蘭同北愛爾蘭奇怪關係而成為Irish嘅時候(我唔詳細解釋,免有人玩膠),英國認為可以公開文件試水溫。如果英國人普遍無反應,呢個就係平權方案嘅藍本。

香港人因唔係信聖公會為主,好多係其他宗教,甚至天主教徒,一旦大量呢啲無宗教背景嘅親英派移入,會大大緩和當地因宗教製造嘅緊張,呢個緩衝作用對北愛係有用處。事實上,一旦中國出現大亂,大批難民出現,揸BN(O)果批及其後代或家屬,一定係英國硬食,其他國家,最多加拿大、美國同澳洲幫你收部分,除咗喺香港建立自治領(香港唔可能直接歸英,因為涉及改國號嘅膠問題,而呢個北愛計劃可以巧妙解決呢個問題),一定要有Plan B。而北愛,正係個Plan B真正目的地。

典型英國式放風,睇嚟有事發生緊。

4 thoughts on “一個睇落好膠,實際唔膠嘅計劃:香港-北愛連接計劃

  1. 我仲係覺得英國好強烈將香港人alienated去處理⋯⋯將一批香港人遷徙北愛,咁佢地係咩野國藉?仲係BN(O)?我覺得有違平權(直接轉BC我認為係min pay)。

    另外已經有scaremongering 出現,真係5.5million湧去英國咩!

    仲有,我好反對BN(O)申請居英權要設門檻(包括資產學歷考入籍試等審查)香港問題係英國人既債,時間愈耐,欠下利息愈大!好多「平權人士」以為自降討價會俾英國人接受,其實自削權利!

    BN(O)子女居英權係值得商榷,因為一來好多人想留係港,二來中共治港期間已經有好多中港婚姻,子女得到居英權就會申請大陸親人「團聚」。所以要審查!

    唔好將大陸問題由香港帶來英國。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.