想吉番串魚蛋啫,你竟然開槍?

12716313_978220062270502_2107623049000733340_o

有狂躁前科嘅香港黑警5619,面對一班只係想大年初一吉番串魚蛋食嘅平民,竟然搞到開槍,展開睇嚟收唔科魚蛋革命嘅序幕。

如果話呢次革命係有預謀,好明顯唔係,真係堅有預謀,我相信黑警呢次唔係食磚,係飲莫洛托夫雞尾酒,甚至新界圍村買煙花然後當武器咁用。成件事個爆發點,就係黑警唔處理新界鄉村私藏火藥,亂放煙花嘅唔處理,你派成班友對付啲魚蛋食客?黑警你變態架。

更變態係,民眾不滿,走去開槍,憤怒之下乜事都可以發生,法國大革命都係師奶買唔到麵包引發。班友學起烏克蘭勇武玩法,香港街頭最多係乜?地磚囉。磚呢種玩法,警察梗係未試過,南韓都未玩過磚。無足夠裝甲保護下,速龍小隊遇上磚都收皮。

政府除非道歉,同埋梁振英、黎棟國、盧偉聰三件柒頭落台,否則我睇嚟呢單嘢,收科方式只得一個:壽西斯古方式。問吓羅馬尼亞人,壽西斯古最後點死嘅。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.