警民開大片,記者要保命請嚴守中立

螢幕快照 2016-02-18 下午9.53.04

喺年初一旺角之戰,有示威者攻擊記者,有唔少人討論,打記者啱唔啱?

對於研究軍事嘅人,用Rules of Engagement去睇呢件事嘅話,我對記者嘅忠告係,請嚴守中立,報導新聞就按事實去報導,否則閣下好麻煩。

對於大部分在場記者,記者嘅身份同平民一樣,唔好講新聞自由,兩軍交戰誤傷平民無論如何都係錯誤。所以蓄意打記者嘅舉動,係絕對要受到譴責。

但如果在場記者,聽在場警察講,故意zoom近示威者個樣嚟拍,用作協助警察搜證之用,甚至利用自己嘅採訪資料向警方提供情報,或你得警方PPRB批准,以隨警記者身份採訪,呢個另計,實際上你係兩軍作戰果陣嘅隨軍文職人員,特別係幫警察搜證果啲,你嘅身份變成敵方情報人員,點解對方唔可以用戰術角度攻擊你先?CCTVB記者被示威者針對,某程度上同佢地嘅採訪行為有協助警方之嫌有關。如果在場記者要警察協助拉線之類,咁更加令對方相信你並非中立,咁喺交戰守則上,人地攻擊你,你唔可以用新聞自由之名擋駕。

所以喺暴亂罪果日,蘋果日報攝記馬泉崇,竟然講出做得出點解要遮面呢句話,簡直攞全蘋果記者安全開玩笑,你私底下點諗你嘅事,但你講得出呢句,日後有示威場合,人地就有理由懷疑閣下係「敵軍人員」,磚頭就飛到你頭上。

所以兩軍交戰,對記者嚟講,保持專業係保命嘅基本。CCTVB記者,或親政府記者過晒界嘅話,有乜事好難得到同情。

2 thoughts on “警民開大片,記者要保命請嚴守中立

  1. 重有有記者保護警察唔俾示威者打 (見有線新聞),點止係隨軍文職人員,直情係有份落場打…

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.