香港需要一個朱高正

805909

作為一個新東選民,2月28日投邊個,我係絕對要考慮嘅問題。喺大年初一前,我都打算投俾7號楊岳橋大律師,大家都知我幾討厭黃毓民,我對本土民主前線充滿戒心。

但大年初一後,我決定改變主意,我會投6號梁天琦,我理由有兩個:

1. 本土民主前線喺大年初一孭咁大鑊,近乎滅團,投票令佢地攞番保證金雪中送炭都好。

2. 篤粒魚蛋向天開槍都得,同國民黨有乜分別啫,議會仲拉布?仲掟蕉?烏克蘭同台灣果種最有效,打!唔打根本阻止唔到啲黐線法案。

3. 梁天琦宣傳品用高度自治都唔得,呢啲國民黨式政治打壓,我絕對唔受,梁振英越亂嚟,我越倒轉嚟投,吹呀。

黃毓民得個講字,我未見過佢堅做朱高正,但梁天琦我對佢疑中留情,但好過楊岳橋。楊岳橋受制公民黨內部膠化,係唔可能真係俾啲具衝擊性嘅嘢。反正楊岳橋喺比例代表制下會九月入議會,而本土民主前線唔做朱高正,九月都唔會返到議會,我決定2000年後第二次投「賭撚票」,我投梁天琦。

但梁天琦最好練練身,佢咁書生,朱高正教授當年堅係抽得。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.