德勤點解唔要求司榮彬出POF?

honn0304003_1024

上個禮拜亞視「投資者」司榮彬玩到賭神咁,show出一疊現金晒冷,財金界都估到最後應該頂唔住,3月7日德勤果然出聲明,收唔到尾數800萬,要熄大掣。

其實成件事我最唔明,德勤接納司生任何要求前,點解唔要求司榮彬出示一張POF?

任何重大交易,由公司合併,到買賣大型機械,第一步永遠都係一張pOF。最簡單嘅POF,係恆生匯豐ATM機嘅Available Balance嘅收據,由銀行發出,有時間,唔經任何人手,無得呃人。再複雜少少嘅POF,係銀行發嘅信件,證明xxx有幾多錢喺銀行度。而再嚴謹嘅POF,已經係銀行發出嘅MT-799 Block Fund證明,甚至一張Stand-by Letter of Credit (SBLC)。如果司榮彬嘅available balance足以付足亞視嘅資金要求,咁應該隨即要求司榮彬準備銀行本票,或CHAPS嘅過數指示。

我唔知德勤果邊憑乜信司榮彬,我只係知道香港人對亞視嘅所作所為感到好飽,德勤可唔可以解釋一下,究竟當初佢地憑乜信司榮彬,我真係堅有興趣。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.