本土派應該搞一場初選囉

b

黃毓撚喺2月29日公然抽水,台灣政治術語叫呢啲做「吃相難看」。面對咁難睇嘅食相,年青人點樣面對呢班政壇騙徒?

本土派雖然壯大緊,但肯定未夠資格玩到拆飛嘅地步,香港嘅比例代表制公式係對拆飛有利,否則唔會1998年梁耀忠同李卓人拆飛竟然齊齊贏後,就阿水都拆飛拆到樂此不疲。但全港嘅本土飛未去到可以咁玩法,有啲吹水唔抹嘴,9up當秘笈嘅友仔,話本土可以有八席、十席,9up都唔係咁9up啩。

如果本土派堅係相信民主,有兩種方法面對:

1. 本民前同青年新政唔理姓黃果個騙徒,自成名單去馬,呢種做法我支持,只不過大家要準備依家就要對付網上海量嘅熱狗,一條友有幾十個a/c果啲教徒,我地正常人唔得閒,但班熱狗好得閒,倒米尤其有心。

2. 要求激進本土派進行初選,由初選結果決定啲飛點拆。

初選係應該做,因為除咗新東比較明顯係本民前梁天琦(由於新東補選戰特殊因素,新東可以免打補選,新東本土飛,一張新同盟,一張梁天琦就好合理妥當),其餘都應該去做一次初選,不論有關議員係唔係現任。如果初選慘敗,就應該早抖。

由於依家喺網上可以查閱選民登記冊,初選要查參與者係唔係選民唔難,所以,可以咁做,學美國初選嘅做法,任何香港登記選民都可以參與呢次本土派初選,攞到至少30%初選票嘅名單就可以出線,攞唔到就唔該早抖。如果得兩張名單入初選,都要合符30%要求。

當中,初選個準則仲有好多傾法,只不過,如果有人話唔駛初選,果個所謂本土政黨係乜嚟,我真係好懷疑。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.