梁天琦中國出世咁又點?我夠係印尼土著喇

螢幕快照 2016-03-06 上午12.35.19

一眾大中華左膠見到梁天琦中國出世,好似如獲至寶咁,呢班友完全唔明白,親英派或港獨派主張嘅公民民族主義係乜一回事。

梁天琦係中國出世無問題,正如我雖然係香港出世,但算係難民子弟,兼且持英國公民身份(多謝中國同印尼過往嘅搬龍門國籍政策),同埋喺2006年印尼國籍法下,我係印尼土著(喺法理上,除咗我無持印尼公民身份上,我同條街上啲印傭分別唔大)。公民民族主義,同法國嘅文化民族主義係類似,不問出生地,不問國籍,我只問幾樣嘢:

1. 喺關乎香港利益問題上,能否堅守香港長遠發展同大部分人嘅福祉
2. 能否捍衛香港嘅語言(即係粵語同英文,一如法國必須捍衛法語一樣)
3. 能否捍衛香港固有核心價值
4. 能否行為上捍衛香港人堅持生活方式,包括各類生活美德(所以如果有人喺巴士上從事缺德行為係香港人或英國人,我鬧得仲甘,果啲阿伯尤其不知所謂,所以我一向反對全民退保,香港老人家多賣港賊,果啲為咗幾十蚊蛇齋餅粽賣撚咗張票俾民建聯嘅人,簡直係賊中之賊)

所以我呢種「民族主義」者嚟講,左膠縱使香港出世,陳景輝之流不斷出賣香港利益俾啲一落嚟就想攞著數嘅伸手黨,呢啲都係賣港賊,反之,好似巴黎恐襲咁,當時有位三十幾歲嚟至馬里嘅難民,奮不顧身救人,縱使佢係回教徒,法國人都聯署要求俾佢立即成為法國公民,因為佢行為證明咗佢忠於法國。梁天琦縱使中國出世,都堅持捍衛香港利益,佢絕對符合香港人嘅標準。

如果左膠唔明乜叫文化民族主義或公民民族主義,學吓法文先。血統民族主義,係德國同印尼都唔再玩,得馬來西亞同中國玩呢家嘢囉。(左膠咁鍾意屈人法西斯納粹,依家我想知邊個係真法西斯,真納粹,答案呼之欲出。)

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.