膠觀點:香港應該引進愛爾蘭式單一可轉移票制度

image

愛爾蘭大選喺2016年2月26日舉行,但香港新界東補選點晒票,楊岳橋大律師宣誓埋做議員,愛爾蘭都未點完票,應該點到佛誕都未完。因為愛爾蘭嘅單一可轉移票制,實在太有膠力。

所謂單一可轉移票制,澳洲或者北愛讀者應該親身領教過,就係將飛唔係吸印仔,而係填1,2,3,4,5,6,順序列出你最想邊個當選做議員。

單一可轉移票制點票係咁,首先點晒啲有效票有幾多,然後根據條公式除條數,邊個最先攞到公式計出嚟指定數額嘅第1排名票,就先當選,跟住有人當選後,就喺剩低啲票再撈各人有幾多第1排名,如果無人夠額,就將得票最低果條友踢出局,按投果條友做第1選擇嘅第2選擇派俾各人,如果人有湊夠quota就當選,如此類似。

由於個選制極複雜,而且大家都估到呢個制度後果就係鼓勵黨內任打免費,所以有幾個好處

1. 啲掌心雷、蛇齋餅粽票會一夜消失,你要啲老人家慢慢填1,2,3,4,5,6,7,真係填到佛誕都未投到張票,屆時就唔會有蛇齋餅粽嘅問題。掌心雷更咪玩,啲文盲抄都抄錯果陣都幾好笑。

2. 愛爾蘭點咁耐,做點票官員嘅額外薪酬好可觀,公務員會好支持,相信公務員好樂意點到佛誕。

3. 黨內任打免費,因為要當選,一定要攞高排名,屆時唔駛話鎅票唔鎅票,亦唔駛初選,攞正牌公然陣營內互插,本土插本土,泛民插泛民,土共插土共,簡直係為華人社會內鬥性格完美設計。

呢個偉大構想,同時得到寰雨膠事錄全面支持,大家應該多多宣揚,屆時香港選舉花生度大為提升,對民主發展有好處架。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.