點解大狀一定要行Cab-Rank Rule

Hackney_carriage

近日啲五毛,無論係黃毓民啲五毛,定係中共派嚟啲五毛都好煩,公民黨楊岳橋幫梁天琦等人警署支援俾人鬧,跟住當年李志喜打雙非案,又攞嚟鬧。

《基本法》第24條寫得有問題,我早喺1997年前都知,當時我仲係一個用筆名林文放寫稿嘅預科生,已經喺報紙話雙非問題膠硬,不幸言中。但大狀只有要客,根本Cab-Rank Rule(的士司機原則)都要接。

好多五毛都應該仲記得一個叫文伯嘅維園阿伯,文伯個官司最近打甩咗,文伯個官司打甩果個,就係香港大學親泛民嘅首席講師張達明打,張達明之所以打,都係基於Cab-Rank Rule背後嘅精神,無論當事人何其infamous或notorious,都仍然能夠聘用其法律代表。

螢幕快照 2016-03-07 下午7.14.56

雙非案係法律援助署署長指派李志喜打,關李志喜嘅立場叉事?雙非案當事人,攞到法援打官司,法援署長要指派邊個打就邊個打,除非有直接利益衝突。如果無咗Cab-Rank Rule,大狀喺公眾壓力下無人敢接case,法律何有公正可言?不如學契丹搞暴民政治。

香港人嘅法治觀真係好薄弱吓,真係要慢慢教。應該要守乜法,法律實質係乜,背後有乜精神,乜都唔知,愚昧到爆。

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.