香港踏上歸英之路

flagofhongkong

英外交部:李波非自願到中國 事件嚴重違反中英聯合聲明

英國外交部回應《明報》時重申,對英國公民李波非自願地帶到中國「仍然深切關注」,認為事件嚴重違反中英聯合聲明。外交部續向中方及港府要求完全恢復李波自由及給予協助,同時要求兩方「再保證」港人的權利及自由會在一國兩制及基本法原則下受保障。

好多香港人或者未意識到,林榮基喺九龍塘站吸完三枝煙後投放嘅政治核彈,令香港已經踏上歸英之路。

留意黑體字標註嘅字眼,反映兩樣嘢:

1. 英國已經認為中國走咗數,唔需要再查落去
2. 英國嘅回應,係英國俾中國嘅第一道通牒,除咗香港同中國政府再保證,否則視為已經走數。

知道第一次世界大戰歷史嘅人都知,英國係會為一紙國際條約打仗,令英國捲入第一次世界大戰嘅《1839倫敦條約》,至今仍然有效(係,2005年荷比兩國政府至攞呢份條約打過官司),更何況《中英聯合聲明》。

南海主權問題未必係東亞大打出手嘅理由,但香港由於係國際條約下建立嘅城市,違反國際條約絕對係開片理由。英國當然無咁快俾最後通牒,因為最後通牒係堅開片。只不過,英國唔駛再守《中英聯合聲明》中嘅英方備忘錄就肯定,BNO平權嘅最後法律障礙掃除係實,再加上Home Office再作低BNO持有人條數,應該國會好易通過平權。

如果中國侵犯香港人權紀錄越嚟越過火,只要多一兩單離譜事件,變成「The Rape of Belgium」果陣,就足以引發世界大戰。呢樣嘢,我唔係講笑。The Rape of Belgium引發嘅公憤,最後令西方世界支持同德國片過,中國係咪好想成為德意志帝國第二?

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.