黃毓民病毒

Rotavirus_with_antibody

七一遊行,本來無乜嘢值得傾,但有兩單風波,都令不少關心政治網民浪費時間去攻伐對方。一單係熱血公民包圍惟工新聞事件,一單係社民連副主席吳文遠涉嫌襲擊中大學生會會長周豎峰事件。

1. 熱血公民如果自己唔認同七一,根本唔好話籌款,插旗都唔應該。熱血公民想要籌款無話唔得,咁唔該向民陣申請,因為香港警務處俾民陣嘅不反對通知書寫得好清楚

螢幕快照 2016-07-04 上午1.56.06

熱血公民唔可以錢就要籌,但一旦有法律責任就要民陣上身,呢個世界無咁便宜嘅事。

2. 有無人踢過周豎峰,暫時因為無實質證據,但吳文遠大大力咁拍周豎峰膊頭,就已經係《侵害人身罪條例》第40條提述嘅普通襲擊,長毛仲夠薑叫周豎峰報警。如果周生放棄喺政治上比較嚴重嘅陳述,就法論法而言,攞港大校園電視段片走去報警報吳文遠普通襲擊,我真係唔信黑警唔會攞嚟做嘢,等你喺裁判官面前尷尬。

不過可以肯定,熱血公民又好,社民連又好,果種暴戾嘅基因都係源自同一個人:黃毓民。

今時今日,無論偽本土,定部分左膠,特別花生台果班,果種為求目的不擇手段嘅作風,祖師爺係邊個?黃毓民。呢條政棍,係香港嘅一種病毒,就算黃毓民唔再係社民連主席,呢種基因係存在。呢兩班友,根本係自己打自己嘅影子,呢班友係真激進,真心為民主麼?

要香港政治健康發展,必須對黃毓民加以批判。如果社民連想真係被視為一個正常左翼,吳文遠固然要向周豎峰道歉,花生台果種作嘢唔駛負責,黃毓民年代留傳嘅作風,唔作批判,自己都無資格批判番依家跟黃毓民班友。作為港獨支持者,我只能講,如果由黃毓民呢班徒子徒孫建國,咁不如唔好建,因為呢種一定係毛澤東式國家嚟,同中共有乜分別?我近年講歸英多,因為香港要清理大量思想病毒,堅要時間。






發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.