點解醫委會爭議會搞到咁大劑?

醫委會改革,觸發大拉布,泛民內戰。

香港醫學界係好多毛病,只不過,由於梁振英政府一向亂嚟,所以醫委會改革就算立法會議員幾扭盡六壬,都無法取得公眾信任。

呢次醫委會大混戰,最大劑喺醫委會加四位業外代表,本來原法案,係純粹話行政長官可以委多四位醫委會成員,當然梁家騮醫生、郭家麒醫生、張超雄博士同劉慧卿太平紳士都覺得好有問題,政府喺壓力下,喺Committee Stage提出以下修訂:

螢幕快照 2016-07-11 下午3.30.26

由一個唔係政治問責嘅官,指派三個病人組織代表,再加消委會代表,應該得啩。如果依家香港係英國屬土,呢個寫法好足夠。但問題係,依家香港係中國殖民地。

1. 消委會都係政府委任,都會係梁粉
2. 以功能組別IT界種票經驗,你覺得唔會有類似iProA咁嘅「病人組織」出現,真係人唔笑,狗都吠。

而中國醫生考香港執照試及格率,更加嚇死人

螢幕快照 2016-07-11 下午3.19.57

中國應考者嘅專業知識試及格率之低,已經係嚇死人,應該可以全體過關嘅英文試,都可以有人肥,臨床考試及格率一樣嚇死人,如果醫委會被梁粉控制,公立醫院仲唔成堆黃綠醫生?而果啲類似IT功能組別iProA咁嘅病人組織,乜你會信佢?

當你見識梁振英同佢啲爪牙嘅玩嘢功夫果陣,你支持梁家騮拉布係好正常。呢啲假改革,不如唔好要,仲要左膠要支持,果然左膠個腦係特殊構造。


One thought on “點解醫委會爭議會搞到咁大劑?

發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.