乜叫官僚膨脹? 睇 律政司 咪知

自舊中區政府合署唔夠用,要起添馬艦政府總部後,照計添馬艦政府總部一搬,就算因保育理由唔拆得都好,都可以用嚟做商業用途,例如開放埋啲車位俾附近居民,將舊政總部分用嚟做酒店(至少好過美利大廈,美利大廈做酒店,真係無眼睇),或NGO辦公室,甚至博物館。但最後,竟然當年裝晒成個政府各大決策部門辦公室嘅地方,竟然變晒 律政司 嘅大本營,仲改名做律政中心。

律政司-1

律政司 因乜解究,要用咁鬼大嘅地方,我相信香港至把炮嘅大狀Chamber,都用唔著咁大嘅地方。唔好唔記得,之前政總東座同中座裝晒行政會議、特首辦公室、一眾政策局,甚至立法會議員個議辦,依家竟然要用晒中座同東座做律政司辦公室?無嘢嘛。

大家睇番呢幾年,律政司做過乜事?

1. 以胸襲警都告得
2. 差佬亂咁打示威者,賠咗十九幾萬納稅人嘅錢,仲好意思要受害人簽認罪協議
3. 經常有遮打革命或者旺角騷亂嘅案亂咁告,最後要面懵懵咁唔告,或者被法官鬧爆

咁廢嘅政府部門,因為做689打手,反而擁有最大而獨立嘅辦公室規模,官廢人多又阻掟, 律政司 就係例子。官僚膨脹,人民受害, 律政司 就話俾大家聽發生乜事。


1&1 Hosting


發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.