獅子山隧道 都要大修。無第四條海隧留名睇香港交通有幾大劑

獅子山隧道 最後由於有路段啲路爛不堪用,太過牙煙,政府要逢禮拜日封鎖慢線維修,上個禮拜未整完,所以今個禮拜, 獅子山隧道 又整過。

獅子山隧道-1

獅子山 來源:維基媒體基金會

獅子山隧道 兩條管道,一條有成五十年歷史,一條都接近四十年歷史,所以大修係合情合理。依家由於尖山隧道啟用,加上出入沙田同市區,有四條隧道(城門隧道、尖山隧道、獅子山隧道、大老山隧道),加一條大埔公路,所以封條慢線,仲叫勉強封得起,至少尖山隧道流量大把貨,而且隧道費用 獅子山隧道 係一樣。

但海底隧道又點,至依家,海底隧道都無類似大埔公路、尖山隧道等角色嘅替代隧道,如果有朝一日,海底隧道好似 獅子山隧道 咁要大修,請問成個港島同九龍嘅交通玩唔玩得起?唔好唔記得,海底隧道係1972年通車,只係比 獅子山隧道 年青幾年咁大把。

我留名睇屆時香港交通可以幾大劑,起第四條海底隧道,根本係事在必行,我寧願停晒港珠澳大橋、中國高鐵香港段嘅工程,先搞掂第四條海隧先。






發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.