紐倫堡 嘅教訓:執行柯打唔係免責理由

紐倫堡-大審

雖然有膠人將 紐倫堡 呢個地方玩到膠晒,但談論公職人員照柯打做嘢係唔係犯法果陣,仍然會講到 紐倫堡 呢個地方。

紐倫堡 大審進行咗好多,除咗審訊納粹領導層班人渣,果啲有份參與屠殺嘅醫生、軍人、企業家,都全部有去審。而 紐倫堡 審訊確立咗現代審理公務員罪行相關原則,就係跟柯打做嘢唔係大晒,如果你明知個柯打係違法、違憲,你絕對要唔跟柯打做嘢,否則與之同罪。

香港其實都有類似原則,根據香港特別行政區對楊家豪、周熾朋案(DCCC 884/2010),縱使楊家豪、周熾朋兩人執行職務時,動機出於正義都好,手法違法就係違法。或者呢一兩年跟柯打做嘢保得住份工,但如果中共倒台,香港獨立或歸英,呢班跟柯打做嘢公務員就算有外國護照,都未必甩到身。

跟柯打做嘢唔係甩身理由嚟,而 紐倫堡 本身,亦唔應該一個膠化名詞。新東、新西、港島果幾位Returning Officer,咪諗住可以甩身,呢個世界無咁容易。


發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.