老闆車 與中環塞車

老闆車 ,差不多全中環都知,呢個至係中環塞車嘅真正元兇。喺中環,以下 老闆車 亂咁泊情況好普遍。

電子道路收費-老闆車

要解決中環塞車,係要解決 老闆車 問題,佢地區區幾舊水牛肉乾都未怕過,你以為電子道路收費嚇到佢地,太天真。

首先,公平啲講,中環唔夠位泊車係問題。而中環最多車位嘅地方,非律政中心(舊政府總部莫屬)。以前英治年代,舊政總車位係開放俾公眾放工後泊,紓緩中環車位不足壓力,係董建華條仆街要扮大枝嘢至收埋晒啲車位。既然公屋車位都攞得去賣,不如咁,律政中心啲車位都開放俾公眾,留番少量俾有需要嘅公務員,我相信 老闆車 好樂意俾幾千蚊租益政府。

另一方面,對付 老闆車 ,最有效招數係牛肉乾金額同首次登記稅掛鈎。總之非uber或酒店用貴價車,牛肉乾金額係首次登記稅嘅若干百分比,咁唔涉及私隱喇。咁樣,我唔信仲有 老闆車 會亂泊一通。如果有人仲咁豪氣要益香港政府,我都唔拘嘅。


發表迴響

你的電子郵件位址並不會被公開。 必要欄位標記為 *

Time limit is exhausted. Please reload CAPTCHA.