Author Archives: martinoei 黃世澤

昨晚臨瞓前，《東方日報》大爆張松橋款待曾爵士，我一聞就知唔妥，因為張松橋呢條友有關嘅生意，全部喺林忌同小弟長期關注政策範圍之內。 1. 西隧 林忌：西隧天價何時了 林忌：建第四條海隧比普選更難 林忌：官商勾結扼殺渡輪 林忌：西隧再加價看中國文化的癌症 黃世澤：對付膠人要有硬手腕 黃世澤：三條隧道都飽晒，仲講乜嘢TIS 黃世澤：工賊會X建聯你玩晒 去年立法會交通事務委員會傾西隧問題會議發言紀錄 以第四條海隧、渡輪等方法，解決西隧擺明敲詐勒索嘅問題，我同林忌講到口都臭，小弟甚至上過立法會交通Panel發過言，但政府一直都顧左而言他嘅怪理由拒絕，依家就明，特首條hihi決定西隧收費，佢竟然可以接受西隧大股東嘅款待，呢啲唔叫利益衝突係乜。梁振英喺西九係利益衝突，曾蔭權喺呢件事上都一樣，所以兩條友都係契弟嚟。 2. 駕駛學院玩晒，駕易通玩晒 林忌：塞車官商勾結證據 「唔怪得啦！一理通百理明，唔怪得舊隧塞到阿媽都唔認得，快易通呢種改善交通速度的，而唔使再用收費亭的新科技，在香港居然要收每月三十五蚊的「行政費」－－乜原來自動系統的成本，仲高過人手收錢；講到尾，就係舊隧更塞，西隧就可以起得更多賺得更多；搞到尾點解港府與一眾知識份子人人說要「回購東西隧」，或者政府把舊隧搬番出來，同東西隧合組公司，最大得益者是誰？就係呢間以前擁有舊隧專營權的公司，簡單而言，就係坐係度等收錢包賺的專利事業。」 「世界上有好多好奇妙的地方，例如政府六年都唔肯再發教車師傅牌，卻特別容許港通擁有的香港駕駛學院請新人，於是搵後生仔去對付阿伯，再趕絕阿伯，呢 d 咁偏幫o既政策，就同隧道搶大家錢一樣，唔知除左用「官商勾結」四個字之外，可以用咩來形容呢？點解又係咁橋，又係港通咁著數？」 駕易通科技落後唔駛講，新加坡都可以用ez-link卡俾ERP果陣，全香港啲停車場差唔多全八達通化果陣，香港啲隧道仲要俾三十五蚊行政費嘅駕易通。香港駕駛學院可以繼續請人兼玩晒，但老經驗嘅司機想轉型教車難過登天。呢啲當然諗唔明點解嘅事，依家明晒，官商勾結，利益輸送八個大字，講完。 曾爵士，你條hihi玩夠未，係唔係應該清楚向公眾解釋，喺西隧、駕易通同駕駛學院問題上，你扮演緊乜角色？

東方日報：坐富豪機遊埠 曾蔭權貪完再貪 「 【on.cc 東方互動 專訊】曾蔭權臨卸任前趁機「歎到盡」的「豪遊」醜聞愈揭愈多。原來他在參加城中富商安排的3日2夜澳門豪華遊之前1周，曾休假4天，期間接受有「重慶富商」之稱的張松橋款待，聯同10多名商界知名人士登上超豪私人飛機，直飛泰國布吉，渾然忘卻他的特首身份，「曾商勾結」的嫌疑愈來愈大。東方報業集團記者向張松橋查詢是否曾以私人飛機接載曾蔭權夫婦往泰國遊玩，張支吾以對多次以「我唔明白」作回應，但並無否認與曾氏聯袂出遊。」 小弟睇到張松橋三個字，即刻醒晒！ 重慶富商都唔係佢最重要嘅身份，佢最重要嘅身份係西隧嘅老闆： 東方日報：最富重慶人揸住半條西隧 成單嘢最神奇係，張松橋係薄熙來啲老友嚟，究竟東方報業啲料邊個放，成單大龍鳳究竟想點，越嚟越耐人尋味。 但可以肯定係，曾爵士爭全香港用路人一個交代囉。

博訊：海外误读中共政治派别 王立军案显示薄熙来是极左派 好多人因為薄熙來係薄一波嘅仔，就認定佢係太子黨兼老江一系，錯到離晒譜。 呢篇博訊文章，大致展示咗中國共產黨內部派系判讀方法。烏有之鄉係全中國都知，又左又膠嘅網站，薄熙來嘅最大支持點亦喺呢度。加上薄熙來老豆薄一波，生前都係左到無朋友嘅左王，所以將薄熙來判讀成極左派，至係正確嘅判讀方式。 而有留意中國地產呢行，大家會判讀到支持梁振英嘅地產佬，喺中國買乜派系，然後再推演出，梁振英嘅真正後台。 蘋果日報：隔牆有耳：郭炳湘重慶會薄熙來 搜狐焦點網：罗康瑞：重庆嘉陵帆影下月动工 最终高度468米 陈启宗证实恒隆将投资重庆开发项目 重慶市人民政府：董建華：重慶這是一座令人震撼的城市 薄熙來果系人嚟管香港？咪搞。

2月20日，有兩件事正式宣布，香港同中國大亂局開始，如果要買機票或更新護照著草，請趁早。 1. 連再揭感情缺失，都阻止唔到唐英年攞住379張提名飛參戰。 2. 葉劉淑儀宣布參選特首。 葉劉淑儀參戰係成件事最得人驚嘅地方，唔單只證明中共對香港土共全面失控，仲代表十八大權鬥已經去到攤牌階段，戰場設定喺香港。 葉劉淑儀唔會未攞夠一百五十張提名貿然入閘，換言之，佢係北京嘅代理人嚟。如果連曾鈺成又入閘，梁振英又入，成件事就亂到七彩。兼且用得葉劉嘅人，絕對唔係一般料。 呢次選戰嘅結果，乜都有可能，可能係何俊仁做特首，北京有人拒絕委任佢造成憲政危機，可能係因唐英年或葉劉淑儀是但一件當選，引發香港暴動，可能係梁振英、唐英年或葉劉淑儀當選，甚至何俊仁當選，觸發中國內戰。而且局勢，好可能係三十至六十日內急速惡化。唔好問中央政府撐邊個，中央自已都分裂，你不如去求簽問車公。 我唔希望果啲差都極點嘅預測發生，有啲嘢唔中好過中，但如果你有細路仔，請幫你自已同細路攞定外國護照同有買定機票嘅準備，因為有細路嘅，應該先走，無理由搵細路仔嚟陪葬，你唔知依家北京班hihi玩緊乜。家長有責任，預計最差嘅狀況。

以前啲香港統派，成日寸台灣政治，話台灣搞黑金政治。你以為香港無黑金政治，錯！ 東方日報：曾蔭權敗走江湖派對 「今年七月才卸任特首一職的曾蔭權，似乎已忘卻特首身份亦懶理形象，在剛過去的周六及周日，偕妻子鮑笑薇秘密「過大海」去澳門，期間竟現身在一個賭場的春茗活動中，與一批賭廳人士、貴利集團中人、夜總會從業員及多名江湖社團猛人飲宴，濟濟一堂。」 蘋果日報：官太殺村，虎草村民　廉署狀告拓展處長 「【本報訊】流浮山虎草村四幅土地去年被新業主收購後，黑社會即進駐鏟樹、堵路迫遷。神秘買家代理人、滅村行動幕後黑手，竟是土木工程拓展署港島及離島拓展處長何偉富的妻子劉淑玲。何偉富更毫不避嫌，多次偕妻落村「巡視業務」。村民對高官捲入非法收地感到震驚，直斥官黑勾結維護地產霸權。何偉富辯稱只是「護送」妻子，否認有利益衝突。村民將向廉政公署舉報。」 兩大報章頭條都指向一個事實，就係香港黑金政治，比台灣以往不遑多讓。甚至我咁講，台灣黑金政治係國民黨傳統留低（由孫中山拉攏洪門、黑龍會搞革命，到蔣介石同杜月笙兩條友搭膊頭，到蔣經國年代搵竹聯幫殺江南，李登輝係黑金創始人係唔公平嘅罪名），但香港黑金政治，隨時同地產霸權，甚至中共政治有關。 你依家明強拍、唔管收數公司等等問題，究竟喺邊度嚟？

由於小弟頗懶，加上Facebook個API真係頗膠，所以我空有專頁但無乜打理，因為如果要我一條友又打理專頁，又打理blog，死都唔掂，我唔係全職網民，寫blog只係我嘅興趣。 但由於Wordpress越嚟越多唔同類型嘅plug-in，所以小弟呢度發表嘅嘢，專頁自動update。而稍後，archive都會搬埋入返嚟martinoei.com做主機後，會同時我喺報紙嘅文都會一併喺facebook專頁睇到。而大家add我專頁得，因為我個人facebook account乜人戶口都有，亦費時令朋友麻煩。 而Twitter聯動，亦會稍後做埋(雖然可能講緊幾個月後⋯⋯因為真係忙到hihi）。 我個Facebook專頁：在此

以上呢位叫Dicky Choy嘅無知人士，係咁派膠抹黑BN(O)，又話BN(O)要歐洲簽證，乜乜物物。呢啲五毛一向我都唔多俾面。 Dicky Choy Facebook Profile 根據呢條粉腸嘅profile，睇落無嘢，但like咗佢間公司嘅Facebook page。 跟住我就起埋佢公司底。 條膠人開公司嘅資料 如果無搞錯，呢條友叫蔡榮照。呢條友幫土共工聯會搞talk係真嘅 工聯會屬下製衣服飾從業員協會：製造業技術發展與職位開拓”研討會 呢啲土共再敢亂發膠音，見一件打一件，大家睇見抹黑BN(O)嘅言論，絕對要起清發言條茂利嘅底。

由2月19日，銅鑼灣嘅反自駕遊遊行開始，香港政治將會係最風起雲湧嘅一個月。 首先，自駕遊同港中關係將會激戰連場，2月19日反自駕遊遊行，2月29日將會係立法會Panel Meeting，一定打到火花四濺。我自已都喺2月19日去香港電台錄影《放馬過來》，講正係港中關係，呢個係一個戰區。 之後，未來香港各方面政治精英，或多或少將捲入特首大混戰，特別喺習近平返京前後更甚，依家乜事都會發生，仲未計會唔會喺選舉期間，有其他膠事或怪招出現。 呢一個月，將會好唔得閒，而且特首選戰後，未必係結束，如果要玩到重賽，甚至特首難產，亂局將會維持一段長時間。總之，有排唔得閒。

吳康民：《信報》反共，故態復萌 梁振英講廿三條唔係惡法果陣，我可以咁講，寧願俾隻豬做，都唔會俾呢條仆街。 點知露底唔只梁振英，仲有吳康民呢隻文革死剩種。 「我認為，唐英年如果希望上位，應該和這類成事不足，敗事有餘的傢伙劃清界線。你要做的是中華人民共和國的香港特別行政區的行政長官。中華人民共和國是中國共產黨領導的中央人民政府，和共產黨對幹，有前途嗎？」 吳康民，恐嚇呀，係唔係反共就要死先。你咁殺氣騰騰咁對住《信報》，即係梁振英係共產黨，吳康民係唔係梁振英嘅上線先，唔該交代清楚。 未選到已經咁嘅態度，俾梁振英選到，泛民商界齊齊仆街，到時香港實陷入恐怖政治。商界全力反撲，原因極之清楚。

唐英年喺晚上八點幾食飯時間開嘅記招，將乜責任都推到佢老婆郭妤淺身上，由於唐英年啲「課外活動」太深入民生，郭妤淺個樣係唔掂都好，師奶聽到唐英年咁無膊頭，唔只鬧爆，當埋係陳健康、陳冠希都得，呢啲師奶大忌都唔知，唐英年一定玩完。 但有樣更詭異嘅事嚟係，北京唔表態挺梁振英，梁振英亦唔敢抽唐英年水。 梁振英唔敢抽水，因為佢唔知習近平返北京之後，會唔會成個核彈送到佢頭上。 本來喺習近平訪美期間搞埋啲咁嘅偷襲，知中共政治都知，你對手被毀滅你都唔會贏，因為呢啲趁阿頭外出搏懵嘅行為，俾你得手真係天下大亂，所以就算唐英年瓜咗，習近平都已經唔一定會俾個位梁振英，最多推佢啲後備，本來應該用喺中央有急事果陣至用，但依家搞到要攞出嚟用嘅江湖救急人選，甚至推郭妤淺出嚟選都得。 更大嘅問題，我都講咗n次，梁振英同薄熙來班友關係太密，而依家美國之音報導係，國務院啲官流出嘅source，王立軍有提供大量薄熙來謀反嘅情報，而薄熙來謀反背後老闆係周永康，啲堅過石堅嘅黑材料，我睇唔係嚟自中聯辦班酒肉朋友，因為約道似係中聯辦鐵竇，呢鋪西環都被梁振英起尾注。如果梁振英喺王立軍俾啲料上出現，或者佢啲老友喺王立軍俾啲料上出現，你估習近平會唔會俾梁振英選特首。加上揭黑材料咁揭法，支持唐英年後面班友驚你梁振英上台秋後大算賬，仲唔趁你未選到特首做低你。 所以葉劉淑儀意圖搏懵，佢條友嘅戰術盤算勁就勁，可惜佢唔記得咗佢基本法廿三條果陣嘅表現呢。但依家情況好清楚，唐英年一連串膠到無朋友嘅事，只係一場江湖大廝殺嘅序幕，依家仲可以笑，遲啲大家諗吓可以點自保。