有時香港啲左膠之所以不得人心，因為有啲大家關心，佢地應該出聲嘅議題，可以完全唔見佢地嘅蹤影。

郭台銘係鴻海同富士康嘅大老闆，點理係左膠嘅重點聲討對象。但係郭台銘拒絕香港資本嘅壹傳媒，以及綠營嘅三立電視，以及自由時報記者採訪，又唔見啲左膠聲討？唔通上述三大傳媒，一個老闆係自由經濟右派，兩個係中國民族主義者嘅眼中釘，所以就唔駛出聲。郭台銘公然挑新聞自由機，仲唔係挑起全球對Foxconn公憤嘅好機會？點解班友又失蹤？

所以我對啲左膠，越嚟越不解。

點解我咁講，因為呢次係香港電台社區廣播計劃嘅一次重要諮詢。

香港電台視像記錄

政府為塞市民要求大氣電波嘅訴求，要香港電台劃出部分數碼廣播時段，俾民間團體自己搞廣播，名曰社區廣播，本來係好事嚟。

呢個plan，我睇就知唔多妥，因為認真做針對少數族裔之類社區廣播，好可能要搞出類似澳洲SBS咁大嘅龐然巨物出嚟。而用社區呢兩個字，土共就會理解係「十八區廣播」，俾十八區區議會把持時段好大可能結果，就係被班hihi霸用嚟宣傳佢地「成功爭取」嘅功績，或者播出嚟嘅嘢，係民建聯嘅政治宣傳。之前我出席過focus group，己經知道單嘢有幾大鑊。

所以我係有備而來，爭取首個發言，就係要杜絕土共dominate個討論，我侷住要將呢個「社區廣播」set做一個比較非政治化嘅frame。而大家睇番片段，尹才榜（工聯會）、李桂珍（民建聯）兩件土共，堅持要搞十八區廣播，所以我最後發言，好唔客氣咁叫佢地死咗條心，我上嚟就係捍衛公共廣播，就係咁解。如果唔出聲，就會變iProA藉資助上網計劃抽水嘅事件重演。

而在座蔡子強同吳敏倫，都講咗成個計劃會變政治炸彈，例如土共化身n個民間團體嚟申請入紙，或者同性戀者入紙廣播會被ban，總之呢劑嘢極度麻煩，十二月有公開文件諮詢公眾，大家一定要踴躍發表意見。

成個會議，另一個好無恥，就係代表過土共出戰嘅梁兆棠（教育界代表），未聽過黃克廉（教協代表）講嘢，就亂咁鬧有人無為教育界講嘢，自己遲到就咪咁多聲出喇。

後話：香港電台節目顧問團，你委任得我，我就要做嘢。我係對照BBC Trust Audience Council嘅職責去做，當然我有傳媒工作背景，但有啲太離譜嘅狀況，我會唔迴避用我嘅title嚟出聲。

黐線架，將軍澳斬人你唔發GIS稿，依家被人丙，屯門發現昆蟲都發稿，玩嘢呀。

香港警隊真係由上爛到下，無藥可救。

真係，睇中國報紙，保證日日有膠聞。

香港傳媒有幾膠，相信有十幾年傳媒資歷嘅友仔都見得多。小弟十六年傳媒人生涯中，遇上兩鑊政變，一鑊南早林和立事件，一鑊商台封咪事件，你話發生緊乜事。

點解香港傳媒老闆可以咁無顧忌咁干預新聞編採自主，因為香港傳媒就係唔夠市場主導，啲人指責肥佬黎搞市場主導搞衰晒，錯喇，呢個倒果為因，如果夠市場主導，係講嘢勇好多。依家問題係，香港有班傳媒老闆，根本唔在乎銷量，或者有無人睇，只係用嚟幫佢擦共產黨嘅鞋。

好似星島咁，點解會出《頭條日報》，因為《星島日報》唔會有人真金白銀咁買，而免費報紙，派一百萬份無問題，有無人睇根本無人在乎，總之佢同北京以至部分商家話我有一百萬份嘅實力，你真係吹佢唔脹。香港有堆唔在乎錢嘅老闆，為撈政治油水搞傳媒，至搞到依家香港傳播界乜膠都有。亞視長期蝕入肉都有中資老闆入股，大家諗吓乜原因？

所以捍衛新聞自由，係要回歸產業模式，真係支持有心嘅傳媒，真金白銀咁支持係最實惠。所以九月十二日，有班差佬話要罷買報紙咁寸，我就話要買多幾份報紙，我指有心做嘅報紙回應，香港啲差佬算得啲乜，老共算得啲乜，有銷量有錢賺，至可能有人敢言落去，同埋提高記者以及作家待遇，令佢地繼續留喺傳播界。

正如你見到好嘅博客或網站（唔只呢度），例如am730咁，請你9月12日襟一襟網上版廣告，你一蚊都唔駛，都可以表示對好報紙嘅支持。

被 問 到 對 港 台 節 目 《 六 四 周 年 特 輯 》 以 及 《 頭 條 新 聞 》 的 看 法 ， 他 表 示 ， 不 會 評 論 個 別 節 目 ， 有 記 者 問 他 ， 是 否 有 聽 過 《 左 右 大 局 》 ， 他 表 示 日 後 會 聽 過 好 多 港 台 的 節 目 ， 記 者 其 後 再 說 ， 《 左 右 大 局 》 其 實 是 商 台 的 節 目 ， 鄧 忍 光 回 應 表 示 明 白 ， 他 不 會 逐 個 節 目 評 論 。 」

好明顯，有人俾咗隻超大嘅蕉皮佢，而港台新聞部亦唔打算對住鄧生客氣，佢嘅白痴行為，原文照錄。

傅小慧以往確係AO出身，不過傅小慧跟咗OFTA跟咗好多年，她係熟media同public broadcaster要做乜，甚至小弟懷疑政府為防她變張敏儀第二，急急調她返發展局，明升暗降算數。因為傅小慧被調走前，她有好多搞好港台嘅plan，聽落都係掂果隻。

但鄧忍光，連《左右大局》係乜都唔知，雖然我好憎聽《左右大局》（聽李慧玲節目，聽五分鐘就會頭痛，然後熄機），但身為AO連對家節目係乜都唔知，佢都收早日收工吧。因為一係佢管到港台一鑊泡，一係佢俾啲下屬玩到一鑊泡。

2011-08-31 HKT 19:53
行 政 長 官 曾 蔭 權 下 午 與 副 總 理 李 克 強 會 面 ， 本 港 傳 媒 曾 要 求 採 訪 ， 但 不 被 接 受 。
政 府 新 聞 處 表 示 ， 有 關 會 面 由 內 地 要 求 ， 只 容 許 官 方 媒 體 拍 攝 ， 本 港 傳 媒 不 能 採 訪 ， 新 聞 處 派 出 攝 影 師 拍 攝 過 程 ， 再 將 片 段 發 放 給 在 烏 魯 木 齊 的 香 港 傳 媒 ， 未 來 兩 日 ， 行 政 長 官 行 程 當 中 ， 大 部 分 都 不 能 採 訪 ， 只 能 派 傳 媒 代 表 拍 攝 情 況 ， 但 只 批 准 攝 影 師 拍 攝 ， 不 准 記 者 隨 行 。 」

正所謂士可殺不可辱，香港記者再縱容啲hihi，遲早集體失業。

咁鍾意出官稿，好簡單，香港傳媒杯葛新華社稿，同埋政府新聞處三天。除咗涉及極大重大公眾利益嘅新聞稿，例如天文台嘅公告，其餘一律唔出，睇邊個死先。

一早有前輩提出呢個要求，如果傳媒老闆唔支持，係佢地骨質疏鬆。

要激到保守估計三百，但實際應該有五百幾位記者出嚟遊行，仲要早上十一點出嚟行，係難度好高嘅事，唔係個個都係小弟果隻，喺新聞界嚟講已經係半退休人士。報館記者返到咁夜，電視台記者平日咁辛苦都出嚟，周六可以瞓晏覺嘅時間好寶貴，大家可以諗到有幾憤怒。而記者口中大嗌曾偉雄垃圾，唐英年垃圾，更加反映佢地有幾火滾。

記者激到咁火都嚟，主要係警隊有幾個嚴重問題：

1. 當《警察通例》第39章無到，《警察通例》第39章賦予持記者證或記協會員證人士執行職務上特權，警察係唔可以阻住記者執勤。但李克強訪港期間，警察犯晒《警察通例》。
2. 有幾位記者，被人搜銀包，如果唔阻止，遲早以安檢為理由搜查新聞材料。新聞材料喺法律上，同律師行嘅文件一樣有專業特權保護，除非向法院申請production order，否則警察不得搜查新聞材料，包括記者電話簿。但依家警察當私隱，同新聞專業特權係乜？

自曾偉雄上嚟後，情況越嚟越差，去到根本接受唔到嘅程度，唔出嚟遊行真係當病貓。前輩范姐范浩齊講，應該下次杯葛採訪領導人來港活動，亦唔會發GIS嘅稿，我個人高度贊成呢個建議，咁鍾意報，你自已搵文匯大公自我感覺良好飽佢喇。

後話：呢次遊行有幾個觀察

1. 警方始終要玩嘢，迫記者經中信大廈極窄樓梯上天橋橫過夏慤道，如果下鋪警察再玩嘢，示威者實會佔領夏慤道。根據東隧梁國雄案，警方唔可以阻住玩road blockade。

2. 有部分親政府記者，立場轉向，大家睇到曾偉雄膠力非一般。

段新聞本身唔係新聞，係咁都會上到即時新聞，果吓至係新聞。有無人解釋到，邊條友將呢段新聞擺落即時新聞嘅原因，除咗食飽飯無屎痾呢個原因外。

有線電視宣布，在世界盃轉播權之戰取得勝利，香港兩大電視台，要連有線第一台廣告一併播的情況下，直播世界盃決賽和準決賽賽事。那些阿貓阿狗嘉年華會式不知所謂節目，有機會成為過去。

在香港看足球大賽直播，絕對是厭惡性經驗，世界盃尤甚，現今一代球迷是希望聽中文專業旁述，甚至有不少乾脆轉英文台，因為滲雜不懂足球藝員們胡謅一通，令看波興緻大大折損，極為無癮。而且有線電視付了真金白銀買下轉播權，沒理由無線和亞視可以只付丁點，就可以拿來大賺其錢。

不過，有線最好維持現有的播映足球製作形式，不要無厘頭搞什麼嘉年華會，特別不要見到李克勤，拜託。

Short URL: http://wp.me/pvf9c-ZB