Category Archives: 南洋政治

以上粵語歌，唔係香港產品，係南洋產品，因為吉隆坡到新加坡都係粵語通行地區。 呢個正係709大潮後嘅產品，而香港同馬來西亞都係一堆濫用權力，雙重標準嘅政客，九成歌詞都係一樣。 如果我地唔想出現7月9日，警察亂封吉隆坡，水炮催淚彈射入醫院呢啲荒謬事件發生喺我地身上，我地要坐言起行，明天去遊行。 仲有，明天帶備《警察通例》，以及各式刑事法律條文去遊行，唔好衝擊警察，無必要。我地就係檢察官，真正爛仔，係班PTU。

好彩南洋唔興高登式賭博，否則今天會多咗好多太監，因為新加坡總統大選爆大冷。陳清木醫生，有可能做總統。 就算陳慶炎博士僥倖贏咗，李顯龍都好難做人，因為代表行動黨反移民政策嘅基層退休國會議員陳清木醫生，竟然同陳慶炎叮噹馬頭，從未喺國會選舉贏過嘅新加坡民主黨前黨員陳如斯，可以拎到四分一選票，如果唔係陳欽亮分薄佢啲票，隨時佢做總統。 由於反對現政府政策嘅票超過一半，李顯龍維持原有政策隨時行動黨繼1961年林清祥成立社陣後第二次大分裂，後果唔係佢賭得起。呢次係新加坡中國移民政策嘅重要公投，而結果好清晰，有六成新加坡人唔要呢班友，移民政策收緊，新加坡人優先政策在所難免。 我之前聞到果陣火藥味，但實際情況比我地想像勁十倍。

X建聯中人喺香港多區派呢類單張，己經去到危害香港、印尼同菲律賓公共安全嘅地步。 明明菲傭只係想入境處長同佢地開file，審核佢地申請永久居留申請，都要講到贏咗即刻有居留權，呢啲利用誤導手法抹黑對手，操弄族群嘅做法，對南洋係極度敏感。大家諗吓俾菲律賓、印尼啲有心人譯晒做當地語文，會即刻有乜後果？如果有啲維園阿伯硬膠膠做啲針對印尼人、菲律賓人嘅行為，會有乜事發生？ 有新加坡、以至印尼政界人士，己經向小弟表達強烈憂慮，我唔想講邊啲人向小弟表達咗憂慮，但依家再咁玩落去，民建聯喺度攞印尼、菲律賓同香港安全嚟玩。如果北京再唔制止呢班佢地養嘅hihi亂嚟，真係南洋華人多得呢班友唔少。

外傭居港權呢單嘢，公民黨為咗選舉，出咗個膠聲明出嚟，真係令人搖晒頭。 查實呢單嘢好簡單，李志喜身為資深大律師，有事務律師掟case俾她就要接，呢個同的士司機一樣，的士司機就係唔可以拒載，呢個係專業原則，公民黨一早講咗咪得。 況且喺香港法律下，外傭絕對有權透過司法覆核爭取成文法嘅權益，如果大家覺得好唔妥，就修改《基本法》24條，修改《基本法》24條係政府不可推卻憲制責任，因為發球權喺特首度，泛民依家得民主黨主席何俊仁係知我地講乜。一改24條，外傭同中國大肚婆落嚟香港問題一劑解決。依家唔解決問題唔係泛民，係特首，班土共仲好意思煽動種族言論，都未計佢地喺中國孕婦問題上左閃右避嘅態度。 相反，依家有啲種族歧視言論，我認為極度唔負責任，如果引發菲律賓同印尼排華再起，死傷責任係咪有份發表膠論啲香港人孭先？呢個問題先講清楚。南洋雖然排華浪潮結束，但有啲hihi仲係蠢蠢欲動。 至於葉劉淑儀要求人大釋法，你條友除咗人大釋法就乜春都唔識架，同1999年一樣毫無進步。依家北京唔掂南洋國籍問題，因為中國血統問題一應用落南洋人身上就係一條大欠帳。而且菲律賓、印尼都有華裔大混血嘅問題，你睇菲律賓總統阿基諾三世就知，佢條友就係華人血統，如果有菲傭用佢有史國血統留喺度，咁打算點搞？成個《中國國籍法》燒咗佢？ 我真係對呢個政權、呢個泛民，同呢班香港人都無眼睇。

誠如肥醫生所講，泰國好大機會已經陷入由前首相他信發動的政變，當局勢動盪成咁果陣，旅遊業界應該當機立斷，取消泰國團，並安排團員返港，唔好等到中國、香港、英國或加拿大政府的撤僑行動至出手，因為這次係連溫家寶都開會開到膠咗，都唔知搞邊科。 但董耀中佢講乜： 「 旅 遊 業 議 會 估 計 復 活 節 期 間 有 8 千 名 港 人 在 泰 國 ， 總 幹 事 董 耀 中 表 示 ， 日 內 出 發 到 泰 … Continue reading →

我可以說，當他信紅衫軍決意號召民眾推翻政府時，局勢只能用黐線來形容。如果你現在正準備去泰國，請即取消行程。如果你身在泰國，現在請即聯絡航空公司撤退，不論爭取在曼谷機場有可能關閉前撤退，或者取道清邁撤退，現在便要做決定，不要猶疑。 這次比上次黃衫軍情況嚴重太多，似乎雙方都不大準備尊重泰皇，而且可能他信陣營已經有部分軍人支持，一旦出現兵變甚至內戰，那時不是中國或英國政府可以出手相救，屆時隨時連清邁撤退這條路都被切斷。 所以，如果你有親友在泰國旅遊，請即要求他們立即做決定，這時候不容硬膠的。

「泰 國 示 威 者 威 脅 堵 塞 芭 堤 雅 　 遊 泰 港 人 擔 心 安 全 2009-04-09 HKT 18:09 黃嘉熙在泰國報道 在 泰 國 曼 谷 ， 繼 續 有 反 政 府 示 威 活 … Continue reading →

繆美詩：港菲之間 今天講開南洋政治，小弟這個南洋人就不妨再講多一個，在陶傑南沙文章風波中，查實陶傑要寸爆香港人一個問題：香港人對菲傭、印傭的態度。 如果以台灣、新加坡、香港三地來比較，香港會比新加坡好少少，新加坡有個別外傭波士，只能用心理變態來形容，經常有外傭波士因用暴力對待印傭或菲傭，而被警方拘捕，甚至大好前途毀於一旦的個案。香港比較少外傭僱主，因干犯暴力罪行而被提控。 不過，不代表香港的外傭僱主心態無問題，雖然香港部分外傭僱主，唔係當菲傭同印傭係沙包，但當中不少並不尊重菲傭、印傭都係人，違法不付足工資不在話下，有部分對菲傭、印傭，簡直有種族歧視，以至侮辱對方人格尊嚴之嫌。乜人地離鄉別井來香港打工，就要被人當狗來看待，低人一等？中國人被人種族歧視，就鬧英、美等國，咁我地點對菲律賓、印尼和尼泊爾人？ 所以小弟一向不介意以印尼人，以少數族裔身份出現，很坦白，陶傑並無歧視菲律賓人之意，但有部分菲傭、印傭僱主團體發言人的嘴臉，或一些菲傭、印傭僱主的態度，在我這個南洋人來看，不有所激憤就實在奇哉怪也。

馬哈迪醫生在4月7日馬來西亞雙武吉及巴當艾會戰前，以為納吉夠心狠手辣，抽到水，高調宣布重返巫統，連自己在霹靂政變講過乜都唔記得咗，結果在武吉干當輸到裙拉褲甩，在一個傳統國陣堡壘，民聯的尼查公投戰戰略不單贏得議席，更進一步擴大優勢票，令成個霹靂州國陣政府陷入合法性危機。 呢個故事，對好多政棍係一個大教訓。 當自己的時代過去後，就唔好成日諗住退而不休，乘機抽水。馬來西亞這幾個政局相當清晰，就是經濟水平同教育水平都比較好的西馬，唔好講阿都拉，連納吉同馬哈迪醫生那種為求目的不擇手段的做事方式，已經不可能接受，成日玩種族政治，不單華裔和印度裔全部投向反對黨，就連巫裔都怕咗你。 依家唔再係一個搞膠、玩膠就可以當政嘅年代，玩得賤嘢嘅結果係屢行不義必自斃。而馬哈迪醫生的政治生涯，基本上已經玩完，佢復出抽水嘅結果就係輸得更慘，晚節不保。 就算東馬解放進展未必如理想都好，西馬主要州份由民聯控制，只是遲早問題，因為國陣三黨真係太膠。 後話：如果仲唔明2007年黃世澤B計劃，提出由陳方安生出戰港島補選，一舉將葉劉淑儀進軍特首府之路的如意算盤打碎的戰略合理性，可以再看一次為何回教黨、人民行動黨和公正黨共推尼查出戰武吉干當選區。補選唔一定要議員做到嘢，尼查隨時要再度做州務大臣，未必理到武吉干當選區，但首要問題係，要借一次補選摧毀國陣霹靂州政府的合法性，我依家食住花生睇國陣點收科。 延伸閱讀： 凌國文：給首相的登基賀禮！（南洋比較興在政治評論中恥笑膠人，香港寫得太拘謹喇。）