MO’s notebook 3.75G

小弟一位朋友，搞了以下有趣facebook group
http://www.facebook.com/group.php?gid=63943030055
用X光社邏輯去解讀《崖上的波兒》，應該變成一套禁片，理由係：
（引述newsgroup文章，news://news.3home.net/497ab56f$1@news.3home.net）
《崖波》片中，說及一個五歲的小孩愛上一條魚，片中主角宗介更大膽言明：「不管波兒是魚還是半人魚…都喜歡他」，這明確地是有意鼓吹人獸交。
如果《崖波》能是「第一類別」的電影，無疑是間接認同人獸交，如果認同了人獸交，那麼就等於認同同性性交，那麼人類就會絕種。聖經上清楚記載所多瑪城滅亡的故事，如果讓《崖波》成為「第一類別」電影，誓必引致地球大爆炸。
小弟當然唔係老屈X光社，果啲塔利班宗教人士搞的一人一信行動，唔好講人獸交，連談及墮胎都係淫褻物品。各位家長，你係唔係想日後連《崖上的波兒》都搞到無得睇，唔好以為梁燕城、梁美芬、蘇穎智、蔡志森呢班友係好人至得，成班友只不過係抽水怪。
用塔利班角度看世界，呢個世界好多嘢都唔駛做。

當民主黨都用「成功爭取XXX」呢句爛gag嚟在婚禮搞gag時，可以見到成功爭取XXX已經被X建聯好成功咁，變成一句爛到唔爛的爛gag。
X建聯應該考慮改名為爛gag建港聯盟。

林忌的每日一膠，搞咗個2008十大膠聞選舉，不過今年爭上位的膠人太多，唔好話高登2008年全年之星，要投十大膠人都好有難度，而十大膠聞條條都咁膠，好難投。
以下係林忌列出的十大膠聞，條條都好有膠力：
「
查小欣之中學生修電腦邏輯辯正學論述
警方選擇性執法之鄧竟成一張相可能犯法論
黃福全朋友熱潮
陳冠希學中學生去修電腦
好天真好傻之阿嬌天真論
周融報名做廣播處處長
1980 年大公報社評：奧運就係政治！
勿把奧運政治化，卻把奧運變成愛國騷
持有外國護照的愛國聖火系列
考評局之潛水怕屈機試題
曾憲梓坐輪椅推聖火
民建聯色盲愛國服裝
地震局之「震情保密培訓班」
特膠政府高薪請副局長及局長助理
持外國護照之愛國副局長
CEN 篡改莎朗史東言論之字幕
港人「自身需要」之百幾億「地震稅」
奧運連串「咪嘴造假」事件
消失的劉翔－－愛國膠集失望事件
何可欣一年長大三歲
睇奧運變左睇國歌
內地旅客之中央政府打救香港人言論
史上最爛之 MV－－ Reginababy
陳克勤 Try our breast
IT 膠人當選立法會議員
國家免檢奶粉飲到人生腎石
神舟七號未來報告－－未起飛就寫好報告
雷曼 mini-bond 原來唔係 bond
王維基十日維新失敗
倪震周慧敏問責分手去結婚
一國兩制玩完之澳門一再拒絕香港議員入境
民建聯成功爭取領匯上市狂加租」
要投票？請去每日一膠度投。

[youtube=http://hk.youtube.com/watch?v=QxMNmK-PXjM]
係娛樂金魚眼，保護炒麵三文治呢集，簡單又好好笑。
大家咪覺得好多管制怪，同千歲呢件「港女」好似？

每日一膠已是這裡的讀者必讀的精神食糧，不過小弟發現，中國不少人都已經講出每日一膠那些雷爆內容：
1. 每日一膠用電子呼吸收費和排呼稅來寸電子道路收費計劃，中科院就來了件膠人院士，提出了呼吸稅。
2. 每日一膠用馬桶令排洩增加，寸爆何秀蘭反對興建更多道路的謬論，結果中國的山寨版新聞聯播，就搞個單雙號廁所限排，寸爆北京單雙號行車管制措施。
看來中國人對膠的鑑賞力，都還是比香港人強一點。還是真正問題在於，中國太膠了？

[youtube=http://hk.youtube.com/watch?v=mB46oYHRLh4]
中央台的公信力幾低，可以先睇一睇膠力一流山寨版新聞聯播。基本上，了解中國民情的人都知，呢套山寨版新聞聯播，反映中國民眾對日常生活的硬膠問題，有幾咁不滿。

真係膠到呢，唔識形容。

十多名澳奸抗議香港泛民干預何厚鏵宰割澳門市民
十多名香港立法會議員及社民連成員，中午抵達澳門，準備參加澳門反23條立法的論壇及遊行。期間，有十多名，由123事件後以宰割澳門市民自肥的澳奸，在碼頭拉起橫額，表示反對香港的泛民主派議員，插手他們如何利用23條進一步烹宰澳門市民。
期間港澳23條關注組成員利建潤，搶去澳奸手上橫額，雙方發生推撞，但澳奸無被人拎去整治，碼頭職員卻帶走利建潤。

「曾 蔭 權 提 出 「 穩 金 融 、 撐 企 業 、 保 就 業 」
2008-12-11 HKT 13:45
行 政 長 官 曾 蔭 權 表 示 ， 雖 然 預 計 本 港 明 年 經 濟 衰 退 ， 但 政 府 不 會 壓 縮 開 支 ， 會 繼 續 [...]

時代周刊2008年十大奇聞
香港今年至少有七單膠聞，神奇程度勁過上述奇聞：
1. 藍田一名男子，同塊鐵板一夜纏綿，難捨難離，最後要人拯救。
2. 警察同你講，只要將陳冠希的淫亂照片交俾朋友，就可以免受刑責，以為有人睇《二十世紀少年》睇上腦。
3. 迷債唔係債券嚟，James Bond都唔係，而係一堆衍生工具。
4. 在紅的搞短加長減，就唔記得在綠的搞短加長減，最後搞到有人罷駛。
5. 唐司長話人條條fing，結果在奧馬前的會議，真係有兩條膠管當眾條條fing。
6. 潛水竟然怕屈機，見鬼竟然O嘴，仲要在會考中文卷度考。
7. 海洋公園熊貓居然會咬人。
在膠港，時代周刊的十大奇聞，真係濕濕碎。