Category Archives: 惡搞

林忌剛由中大返嚟，大家都知林忌都膠的感應力係強到爆燈。佢對范克廉樓讚不絕口，他認為12月4日畢業禮，以及12月7日中大Home Coming Day，范克廉樓都去必去景點。 范克廉樓有乜好去。先有膠力十足的膠樽義收行動，果日為咗環保，記得飲完水，將膠樽交去膠樽義回收運動，會有人識用好有趣嘅方法，將啲膠樽用在環保，同埋玩謝膠樽義嘅行動上。 仲有范記樓上陳克勤校董有關嘅banner，亦係必影嘅勝地。 我可以講，呢班中大學生，十年後係社運主將，果時的社運唔會得個鬧字，反而會將班膠人膠官恥笑到底，香港政治會係另一番新景象。

大家都知，林忌《每日一膠》很多建議，都只是把膠事膠邏輯推到最盡，突顯個別政策何等荒謬，例如他諷刺電子道路收費計劃荒謬，就用「排呼費」寸政府。 不過我懷疑有中國讀者，缺乏幽默感，亦缺乏大腦的情況下閱讀《每日一膠》，夠膽呼籲徵收呼吸稅，呢個膠國我真係O晒嘴： 中科院士籲徵「呼吸稅」 「【大陸新聞組廣州21日電】據「信息時報」報導，18日在廣州舉行的中國森林城市論壇上，中科院院士蔣有緒呼籲政府應對排放二氧化碳的企業徵收生態稅，對於一般的市民，則可讓他們每個月購買20元的生態基金。他表示市民作為地球上二氧化碳的排放者，應該為節能減排付出代價，這一建議被媒體稱為「呼吸稅」。 報導指出，在該論壇上，華南植物園副主任周國逸也表示，生態稅不得不徵而且很迫切。 周國逸說，全球變暖已成為事實，目前僅通過使用新能源和簡單減少工業排放等方式來保護環境的力度明顯不夠，而且在短時間內執行也不現實，目前唯一能夠立即見效的辦法就是盡快開徵生態稅。 」 延伸閱讀： 林忌：電子呼吸收費計劃 林忌的原文： 「如果電子道路收費計劃可以管到私家車，我相信電子呼吸收費計劃，亦可以規管到人口；凡呼出每一口廢氣（包含溫室廢氣二氧化炭），都必須根據「用者自付」的原則，政府從中收取和「排污費」原理一樣的「排呼費」；所得的所有收益，都用左改善環境用途。」 我認為蔣有緒，應該儘快向林忌交版權費，用咗人地嘅idea係要用者自付，唔該。

有時睇呢啲分類廣告都幾過癮。

自有香港人玩facebook app後，香港積藏已久的膠力就入侵facebook。 而最膠的facebook app，已經唔係遊戲規則充滿高登味的古惑仔（義氣仔女）Online，而係三聚氰胺。 無錯，成個app都係膠到無朋友，有大量曾經被驗到有三氰聚胺嘅食物，可以送俾朋友，仲有三聚指數，同埋腎結石等級，完全係玩膠。 香港人的黑色幽默能力，真係唔可以低估。

[youtube=http://hk.youtube.com/watch?v=jWYVwUlRDB8] 果然無改錯名，O奶令人O嘴。

來自《蘋果日報》 「陽 澄 大 閘 蟹 滯 銷 　 買 蟹 送 雞 評分: 10.0 (3人) 瀏覽人次: 3，967 回應: 0 經濟 不 景 ， 就 連 江 蘇 陽 澄 湖 大 閘 蟹 也 滯 銷 ！ 據 昆 … Continue reading →

我樓下羅便臣道班地產佬，就快將成條羅便臣道改名做硬膠道，因為班友度出嚟的廣告，已經去到爛gag嘅程度。成條羅便臣道，同佢嘅設計一樣充滿膠力。 呢條友懷疑揸住好多中信泰富、東亞銀行或者電訊盈科，唔知幾時見家鄉。 呢位雷曼迷債苦主，一定遇到一位好靚嘅銀行姐姐，迷晒大浪至買，否則點叫迷暈債券？ 既然叫蟹貨，點解又問自己點解扮蟹？ 條友去完萬聖節晚會至寫廣告架，我鬼知邊度係炒家樂園，我又唔係炒家。

呢架車嘅車牌實在太醒神，差佬要抄呢架車，真係化咗灰都認得。 如果俾我用自選車牌，一係有意義嘅車牌，一係就整個膠車牌，搞到差佬抄到手軟為止。呢個牌好英，可惜型過籠。

今日小弟耳水不平衡發作（這是困擾小弟的老毛病），奉我的一位朋友諭，好好休息，所以至今才更新博客，這也是今日唯一一篇博客文章。 所以減少一點文字，精選了羅便臣道四段有膠力的地產廣告，與大家苦中作樂一下。果啲地產經紀，可以考慮失業後投身廣告或爛gag界。 這層樓的業主，一定係南韓人，好愛國。 證明香港之前嘅樓價，好多係多餘嘅脂肪。 不如咁，買一層嘉兆臺，送一籮大閘蟹，又買得又擦得。呢個廣告好有高登味。 喺香港，斷咗供嘅樓係磚頭都好，一樣伴唔到一世，唔好扮兄弟。

[youtube=http://www.youtube.com/watch?v=UvdPc_WLzZQ] 乜叫Hardsell兼硬膠，平霸做得到，過去三十年睇怕都未有人成功挑戰平霸地位，愛膚堅同腳癬靈都無佢咁膠。邊個度條咁嘅廣告，應該頒個諾貝爾文學獎俾佢。