Category Archives: 中國政治

東方日報：北京疑核洩漏 當局瞞真相 「北京恐爆核洩漏危機！日本政府屬下的原子能研究開發機構揭露，北京郊外一座核反應堆實驗爐，在去年十月曾因發電機所在的建築物發生事故，導致停止營運。據悉，該座核設施位於北京西約六十公里一處軍事設施內，且並沒有防止核洩漏的覆蓋容器，但官方則否認有關消息。消息引起內地網民恐慌，不少人高呼「求真相，拒隱瞞」，要求當局公布事故內情。」 乜叫快堆，快堆可以發電，但發電係副產品，快速增殖堆實際上，係用嚟製造核燃料，或者將用過嘅核燃料棒「復活」用，因為快中子反應，製造嘅核燃料同位素，係遠多過消耗嘅。只不過呢種方法製造核燃料好牙煙，所以歐美停用，日本本來有個「文殊」堆，喺2010年復用，就係用嚟處理全日本核電廠用過啲核燃料棒，點知福島搞到東日本都膠晒後，日本都唔敢再用。 北京出事都咁嘅態度，睇怕香港人都要買定輻射測量儀器傍吓身。

我知中國人普遍無呢個智慧，但如果我係中國嘅領導人嘅話，我會選擇中港分家。 南洋馬來族一向唔係太睇重國家統一，馬來西亞本來有汶萊同新加坡，汶萊選擇唔加入馬來西亞聯邦，新加坡夾唔嚟被趕走。亦因為新馬分家，反而仲相安無事，令印尼蘇哈圖政權倒台之後，印尼民眾反而接受到大部分信天主教嘅東帝汶離開。喺尤多約諾將軍未上台之前，海內外印尼知識界一路傾緊，除咗將印尼變成聯邦國家外，另一個選擇，係將印尼按唔同宗教、語言拆件算數，相處唔嚟無謂勉強。 當年東姑拉曼驅逐新加坡，一方面唔想李光耀真係反攻馬來半島，以李光耀喺馬來半島英語教育精英嘅聲譽，包括佢一口流利嘅馬來文（呢個亦係好多華裔領袖無），行動黨一個黨都可以取國陣代之。另一方面，因為一個新加坡，搞到三大族互相開片，亦唔係有腦嘅人管得掂。東姑拉曼既係王族，又係劍橋出身，娶過華裔老婆，亦做過政務官，佢知道有啲膠嘢，係佢或佢嘅接班人幾叻都唔會搞得掂。 依家咁嘅形勢，隨時觸發類似1947年2月28日台北發生嘅事件，一旦出現中港一定係世仇，係注定分裂無得救，仲衰過西藏同東土耳其（或者突厥，新疆呢個名我覺得真係要考慮停用）。台灣之所以族群問題搞到咁難解，因為好多本省籍人嘅祖宗係死喺二二八，或者白色恐怖，呢啲殺父、殺祖之仇係無得解。呢啲仇恨亦令台灣以中華民國之名獨立變咗有好大心理障礙，如果蔡英文贏到總統，就有望台灣走「奧地利化」之路。馬英九留美期間，做得太多膠事，佢都係預備一旦中國民主化果陣，有需要返中國本土吧。 為免水火不容，香港如果好似當年新加坡咁離開，香港對中國政治嘅影響力會減少好多，一如新加坡一離開，行動黨再無可能喺大馬發揮影響力一樣。咁樣反而可以靈活相處得到，新馬領導人或有爭拗，但民間往來至少係正常。你話真係高度自治都得，例如香港變成一個次國家嘅東西，內政自己搞掂，護照防務中國繼續代理，呢啲可以傾出嚟。一如汶萊同英國，今日都仲有一定關係一樣。 當然，我睇中國人係無咁醒，似乎中港關係，實向最壞方向走，因為文明教養呢樣嘢，無番一二百年都唔會搞得掂。勉強無幸福，但中國人偏要將自己搞成第二個南斯拉夫或者蘇聯。

本來《天與地》由於套劇本身有唔少製作疏漏，同名留青史有啲距離。但中國國家廣電總局竟然膠到去禁《天與地》，呢個殊榮仲勁過乜嘢視后視帝，《天與地》亦註定名留青史。 但我相信，製作《天與地》呢類劇集至係香港嘅核心競爭力。 中國劇集由於受太多官方制肘，唔係情節仲離譜十萬八千倍嘅「穿越劇」，就係同中共意識形態塗脂抹粉嘅清裝片，講國共內戰，或中共軍隊史嘅片，又出唔到口，你唔明中共歷史基本上唔識睇。而香港由於仲有創作自由，至可以製作《天與地》呢類探討人性、良知同歷史嘅劇。一如依家講文革史最堅嘅電視劇，係英治年代亞視製作，韋家輝嘅《還看今朝》。 我相信之前《天與地》收視數字，隨時係政治陰謀，因為依家收視調查機構正係中國中央電視台有份嘅合資公司。中央電視台可能收到order要整死佢，點知網上討論太熱烈，咪迫到膠到要公然禁播《天與地》。只不過禁咗就係最好宣傳，本來唔知有呢套劇都走去搵嚟睇。 但如果我係無線，我會視係一次搵銀嘅黃金機會，我實即刻叫TVBI壓DVD Boxset同BD Boxset，農曆新年成棚自由行過嚟香港買返去當手信，仲唔搵一大筆？甚至開拍電影版，原裝人馬，都應該票房有番咁上下，一如《阿凡達》嚟港嘅人潮咁。

相信聖誕新年，甚至農曆新年期間，好多人會去漢城。以往首爾無咁多人去，但福島核電廠膠成咁，東京少咗好多人去，加上首爾shopping平，咁吸引好多人去掃貨。 但小弟在此提醒各位，去漢城，自己孭兵險。 漢城係好近三八線，而仁川機場就更加近三八線。如果北韓只係以往金正日式勒索，漢城係有兵險，但唔嚴重，基本上係安全。但依家金正日死咗，唔係咁睇。 蘋果喺12月23日頭條係解放軍駐軍平壤，如果係嘅話，已經係等同侵略，同埋證明北韓內部不穩，因為北韓啲友都餓到頂唔順，如果有人起兵叛變，或大規模騷亂，乜事都可以發生，包括導彈襲擊仁川機場、金浦機場甚至市中心，到時唔識乜叫走難嘅香港人，真係膠到核爆。特別仁川機場，肯定係首要襲擊目標，你想坐飛機返香港？咪發夢。 所以，如果你見勢色唔對，係應該考慮改行程，換機票。對新年行程，我個人貼士係，買國泰－港龍嘅仁川入、釜山出機票最實際，有乜冬瓜豆腐，就坐KTX去咗釜山，然後仲返到嚟香港。當然，如果中國捲入戰事，韓港航線應該會全部斷晒。但釜山至少係肯定有得走，就算韓戰聯合國軍打到最差果陣，釜山仍然守得住。而KTX嘅出現，至少電力未中斷，漢城未失守嘅話，高鐵仍然可以帶你去到光州等地區，呢點好過純粹靠內陸機。 亦因為咁，我強烈建議，你有BN(O), BC, 美國、加拿大、澳洲、紐西蘭、葡萄牙、台灣等國護照，你呢次應該用呢啲護照去韓國玩，因為一旦開拖，你喺南韓身份係南韓盟國，或者中立國國民，咁樣你可以被安排撤走，至少英國應該有機會撤去日本先。但如果你揸特區護照入去，你隨時一開拖就係敵國公民，到時你自己慢慢刨《日內瓦公約》自保。

BBC中文：開往中國貨輪發現69枚愛國者導彈 呢單嘢認真查死官，因為喺美國對中國軍火禁運下，呢69枝愛國者絕對唔係合法賣俾中國。美國要調愛國者導彈到韓國或者日本，亦唔駛擇日，但諗起背後嘅戰略可能性，就更加嚇死自己： 1. 如果呢69枝導彈係中國托人偷返嚟，咁唔駛講，開得拖，但偷嚟做乜？ 2. 如果呢69枝導彈係中國為防北韓對北京亂嚟，暗中要求美國部署，咁好大鑊，奧巴馬固然成身蟻，但中國一樣一身蟻，因為北韓知道中國夾埋美國起佢尾注，結論只得一個：北京食導彈。 3. 如果呢69枝導彈係中國有派系請求美國部署喺上海，仲驚，即係中共十八大一早破裂，而且有人準備開拖果隻。 呢單案一定要查清楚，否則大家買定一打驚風散都唔掂。

我今天睇見中國政府，居然咁好死答應烏坎人嘅要求，特別承認烏坎依家臨時村民理事會地位感到好奇，因為呢個唔係老共作風。 只不過，我再睇番海門鎮嘅激戰，老共就唔怪得要答應烏坎嘅要求。一日海門戰事不休，中共都無條件喺烏坎打圍城戰，隨時被人包圍番轉頭都似。 東方日報製圖 呢幅圖講明一切，海門鎮據守深汕高速公路要道，如果中國政府要派軍增援，以至補充物資，必須途徑深汕高速，否則就要繞路走，如果海門鎮嘅事件一日唔擺平，唔好話烏坎，其他粵東，甚至粵北、中山、廣州嘅事變全部無法處理。而烏坎圈地碧桂園班友係民企嚟，但海門嘅電廠項目，係李鵬系統嘅，所以中共嘅正常戰略判斷係，烏坎喺外國傳媒見證下退兵，將兵力集中海門，日後再諗點算烏坎筆賬。 東方即時新聞：汕頭暴動升級 「【on.cc 東方互動 專訊】 汕尾維權風波蔓延至汕頭市潮陽區海門鎮，當地民眾的抗爭升級！在前日發生全鎮民眾上街抗議電廠污染後，昨日更演變成萬人流血暴動，村民繼續堵路示威，向武警、防暴警投擲玻璃樽、磚頭，掀翻警車、縱火。警方不斷發射催淚彈還擊，最後暴力清場，大批民眾受傷倒地，也有警員重傷，現場消息指昨日再增近百人受傷。目前汕頭續調派異地警力增援，村民則強調絕不妥協，已準備武器今日誓再上街抗爭，網傳事發至昨日至少有6人死亡，300人受傷。」 問題係海門鎮根本鎮唔住，又催淚彈又打死人，啲友都照衝出嚟，而且一鑊勁過一鑊，明天隨時演變成大械鬥，跟住其他市鎮見烏坎有成果，又有海門大激戰掩護，仲唔有樣學樣。呢次戰略性退卻，嚟得太遲喇。 海門公路爭奪戰嘅結果，將會極度影響未來三十日嘅中國局勢，如果最終海門都收唔科，甚至深汕高速沿線多線都爆發暴亂，香港人應該自己諗清楚動向，香港樓上嘅廣東，可能進入半獨立嘅混亂狀態。因為廣東一旦變咗1911年嘅四川，只要中國其他省市爆發維權事件失控，或者金正恩條友亂嚟，大家可能要好快面對一個無人領頭嘅辛亥革命式巨變。呢種情況，正係其中一種好差嘅戰略狀況。依家又無孫大炮，亦無袁世凱，得個膠字。

中國茉莉花革命網：汕头海门镇万人骚乱 占据政府大楼 (多图) 呢單嘢小弟睇百度貼吧等double confirm，係堅料嚟。 鎮比村政府高一級，連鎮政府大樓都被人攻入，證明潮汕一帶已經一片大亂。因為除咗陸豐烏坎村（圍城戰中，獨立狀態）、龍頭村（有維權事件），汕頭海門鎮（鎮政府被攻入，獨立狀態），汕頭濠江區廣澳街頭（維權衝突爆發），汕頭澄海區溪南鎮（維權衝突爆發），幾乎可以肯定一件事，汕頭、陸豐已經開始大亂，汕頭近日仲有禁摩令，好當地居民好火滾，隨時係成個潮汕地區都巨變。 咁玩法係好大劑，因為再加上珠三角地區反推普運動，同埋珠三角都積落大堆維權問題，可能最後成個廣東都亂七八糟。而北京唔可能再調兵，因為金正日瓜咗老襯，乜都可以發生。福建都唔可能調兵，汕頭本來就係打台灣嘅軍事重鎮，依家汕頭都搞到一鑊泡，福建防守空虛，有維權居民攻入福建城鎮，然後獻城與中華民國，到時真係膠到無朋友。 香港人有必要留意事態發展，依家情況比小弟預算嚟得急好多。

對成個東亞嚟講，今朝早金正日瓜咗，可以係好消息，可以係壞消息。 1. 好消息係，北韓民眾應該有望被解放，因為北韓政府一定內部爭權爭到亂七八糟，呢個政府釘蓋只係遲早問題。 2. 但呢個亦係壞消息，因為金正恩張龍椅係坐唔穩，換言之，中國支持嘅金正男，同原先指定嘅金正恩，仲有北韓內部唔知乜嘢實力派人物，互相開片，甚至有人防止被開片，亂咁向外發射導彈，而中國、日本、南韓，全部都有機會中獎。 對中國嚟講，簡直係戰略惡夢，因為除非中國把炮到佢扶植嘅友仔上台，否則一個親美嘅大韓民國一定會統一朝鮮半島，即係美軍真係打到北京門口，鎮壓南方維權騷亂，你守掂北京先。而北韓崩潰嘅情況下，美國亦要強勢回朝。 而中國真係咁把炮，都唔見得好事，因為南韓人會憎到中國人入骨，屆時大韓民國將係中國最大麻煩製造者，美國強勢重返亞洲情況下，中國係等被人玩謝。 2010年，我喺新加坡《聯合早報》建議過，中國授意北韓同南韓統一，換取統一後嘅大韓民國簽署類似奧地利嘅中立協議，北京班蠢才唔聽，依家己經time out，戰略惡夢己成，你胡錦濤慢慢玩飽佢喇。 但對美國嚟講，單靠朝鮮半島同台灣兩個係唔夠戰略上壓住中國，所以成個太平洋島鏈嘅missing link，亦即係大家住緊嘅香港，好快有場大龍鳳。

新加坡同呢個世界好多國家唔同嘅地方，係因為馬來西亞政府，唔知點處理國家構想上南轅北轍嘅新加坡，結果迫新加坡離開。因為東姑拉曼，根本孭唔掂拉晒李光耀班友返吉隆坡條數。而極端馬來人，同華人之間分歧，亦大到離晒譜。 好多人認為拉開新馬分家關鍵序幕，係1964年7月21日嘅種族騷亂。但真係令人民行動黨立心反攻馬來半島，最終迫使新馬一定分家，係9月嘅騷亂： 新加坡文獻館：新加坡1964年種族騷亂真相 「9月2日晚上，一名华族史古打骑士在东海岸路被两名马来人以石头攻击；10分钟后，一名华人在巴耶利¤路从巴士下车时，突然遭到两名马来人的袭击；一个半小时后，一名57岁的马来小贩在芽笼士乃神秘被杀，有人声称“他是被一群华人所杀，目的是要激起马来人对华人的种族仇恨”。这个事件激怒了在附近的马来人，并在这个地区引起一些种族冲突事件。到了隔天早晨，共有九名华人在冲突中受伤，其中两名伤势严重。 政治部在报告中透露，一个颠覆组织在印尼的支持下在种族冲突前，煽动马来人的情绪。不过，美国驻吉隆坡大使詹姆士·贝尔(James D. Bell) 觉得“没有什么证据显示印尼特工和新加坡种族暴动有直接的关系”，尽管如此，他同意“7月的种族暴动发生后所造成的紧张气氛，已经毫无疑问的为外来者提供许多煽动情绪的机会”。 在9月4日上午，大批的华人和马来人结集在芽笼士乃的路边和巴刹，对抗的情绪逐渐升高。到了近中午时分，种族暴动再次发生，七个人在暴动中丧命，冲突的范围不断扩大。据美国驻新加坡领事向美国国务院作出的报告，这次参与种族暴动的暴徒看起来更有组织性，也不纯粹是以其他种族为攻击目标，他们攻击警车，甚至威胁军事电信发报站，最后，守站的士兵只好开枪将暴徒驱散。 到了下午2时，政府再次宣布全岛进入戒严。当时新加坡总理李光耀正好出国访问，副总理杜进才博士在电台广播中要求人民不要听信“个人散播的传言和谣言”。 当政府在9月5日暂时解除戒严后，芽笼士乃又出现种族骚乱，警方后来展开行动逮捕了一些涉嫌颠覆活动的分子。到了9月8日，马来西亚副首相敦拉萨来新加坡访问，他促请甘榜的马来同胞“不要理会印尼试图挑起种族情绪的行动”。隔天，整个局面几乎回复正常。在9月的种族暴动中，总共有1439人被捕，新加坡政府最终在9月11日全面取消戒严。」 雖然似係印尼做（因為印尼當時派兵入侵柔佛州，簡單嚟講，蘇加諾條友已經黐咗線），但實際上，人民行動黨心知肚明，如果無大馬巫統班友縱容，係唔會俾呢類無厘頭襲擊發生，當時同印共合作無間嘅印尼，入侵柔佛州仲得到唔少大馬華裔協助，蘇加諾未膠到拎起石頭打自己隻腳嘅程度。只不過七月騷亂係明做，九月就暗做兼順便嫁禍俾印尼。人民行動黨因此決定反擊，喺全馬推廣馬來西亞人馬來西亞理念，之後東姑拉曼認為新加坡留喺度，簡直養虎為患，又唔敢引用ISA或者緊急法令將新加坡州政府嘅友仔全部拉清光，結果決定驅逐新加坡，睇李光耀點hihi（佢點知李光耀爆seed爆成咁啫）。 新報：adidas店排隊釀爭執 「現場為漢口道17號新聲大廈地舖，為運動服品牌adidas租賃地舖至3樓，闢作旗艦店。昨下午4時許，一名姓黃，身穿adidas「三間」設計款式淺色長袖運動外套、深色「三間」運動鞋的男子（23歲），與姓陳女友人（40歲）同到該店選購衣物，在2樓選得心頭好後，拿貨物欲往近樓梯的收銀處排隊付款。期間，不知為何與一名帶年幼男童、操內地口音的男子發生爭執，店員一度介入調停，但躁漢帶男童悻悻然離去。豈料約15分鐘後，躁漢手持利刀隻身折返尋仇，滿腔怒氣衝上旗艦店2樓，不由分說揮刀斬向黃的右邊後腦，躁漢欲再施襲，陳女制止時右手被斬傷，男店員姓黎（25歲）挺身阻止時左手無名指亦被割傷，現場遺下血斑斑。其他店員見發生血案，即時報警，兇徒可能亦被自己的暴行嚇怕，呆若木雞站在一旁。警方到場即將姓吳疑兇（39歲）拘捕帶署調查。救護員到場為3名傷者進行包紮後，送往伊利沙伯醫院診治，現場漢口道則圍滿看熱鬧的巿民，旗艦店事後拉閘暫停營業。」 呢次斬人，令我諗起1965年9月嘅新加坡。 未必係中共指令斬人，如果係中共製造斬人事件，立心製造種族騷亂（華語民族 v. 粵語民族），可以再誇啲。但呢次夠膽打尖斬人，唔只有人無公德心咁簡單，啲五毛喺內地孕婦論壇上，不斷貶低香港，仇恨香港嘅言論，應記一功。呢班友嘅無恥程度，同當年嘅《馬來前鋒報》絕對有得揮。 中國人入侵香港，再加上中國喺廣東省推普廢粵，同埋陸豐騷亂，香港人危機意識一啟動，唔係個個都係黃世澤呢挺港獨派，或陳雲呢挺自治主義者。如果有大棚人話要成為中國喺粵語文化捍衛者等等，一如當年馬來西亞人民行動黨嘅地位。中共會否怕兩廣獨立成燎原之勢，加上自已都管唔掂，甚至應付高幹嘅著草需要，要求香港離開，但由得香港自生自滅？ 我唔信中國人有東姑拉曼嘅政治智慧，但依家嘅香港，絕對可以用牙煙過牙煙形容。如果中國人同香港人爆發大型騷亂，《中英聯合聲明》真係唔認default都唔得，屆時膠事一觸即發。當年馬新之爭，英國駐當地最高專員都有多少週旋調停，但大家最後都知係得個吉。

「蝙蝠俠男主角在山東探望盲人維權律師陳光誠被阻 16.12.2011 12:14 荷里活電影《蝙蝠俠3》的男主角基斯頓比爾，到山東臨沂市，試圖探望被軟禁的盲人維權律師陳光誠時被阻。美國有線新聞網絡報道，基斯頓比爾昨日與攝製隊，抵達臨沂市東師古村時，在一個檢查站被四名警衛攔截，雙方一度推撞，及後有數十名穿著類似軍服的人，將他們包圍，期間有人向攝影鏡頭揮拳。攝製隊最終坐車離開，但被警衛的車輛緊追約四十分鐘。」 本來陸豐圍城，已經足夠令中國成為邪惡帝國。但呢鋪咁樣阻演過蝙蝠俠嘅明星入去探陳光誠，喺軟實力角度，衰十倍： 1. 呢單嘢唔單只喺CNN Local播，而且實入娛樂版，啲美國喺超級市場買小報嘅友仔，本來對唔係咁鍾意中國（搶飯碗），呢鋪係人地幫中國拍戲，你中國俾啲咁嘅態度，盲都知中國係邪惡帝國。 2. 蝙蝠俠係美國經典英雄漫畫之一，佢無Captain American咁大美國主義，但始終係美國正義嘅符號嚟。依家蝙蝠俠入去救盲俠，你仲唔自認係邪惡帝國， 仲衰過蘇聯。大家知道Captain American係打希特拉，中國將自己放落果個level。 香港人仲講乜愛國，中國已經係西方世界嘅過街老鼠，衰嘅程度已經好近1900八國聯軍之役，義和團濫殺無辜結果搞到大清帝國連最後嘅尊重都無埋嘅地步。 呢個世界唔係有兩個錢大晒，更何況你中國依家根本唔掂，香港人好考慮同中國割蓆嘅問題，共產黨搞臭中國能力仲勁過愛新覺羅家族。