Category Archives: 中國政治

京華時報吹水膠文 「“天宮一號”將在約350公里高空，以每秒7.91公里的速度飛行，達到光速的23倍。此前的神舟系列飛船，在太空停留時間均以“天”為單位計算，而“天宮”將繞地球轉兩年，是我國迄今為止壽命最長的低軌道飛行器。 」 完全垃圾 1. 光速係每秒299,792,458米/秒，7910米/秒何來光速23倍？ 2. 要吹到光速23倍咁勁，當人傻的嗎？ 所以中宣部都係改名做智障部算。

近日中國封網封到抽筋，照計應該無乜五毛黨可以上門，但我今天發現以下五毛黨comment： 「hh 美分党去死吧 904633864@qq.com 219.129.32.141 Submitted on 2011/09/26 at 12:06 pm 美分党去死吧 」 跟住我追查219.129.32.141呢個IP，原來係湛江天涯網吧，如果近日你喺中國本土發現上網有困難，可以去天涯網吧，仲分分鐘見到啲五毛真人，日後湛江有乜維權事件，有五毛搞亂檔，可以去睇睇天涯網吧有無人先。

太陽報：網上收買孕婦尿 疑扮大肚霸床位 「內地孕婦湧港產子令全港產科床位供應緊張，「親子王國」網上討論區近日多名孕婦網民收到神秘短訊，聲言欲出價購買大肚婆尿液，但沒有表明目的。有網民懷疑發短訊者企圖利用孕婦尿液，安排未懷孕婦女「扮大肚」，到公立醫院霸產科床位。」 唔知愛護香港力量啲hihi去咗邊，點解啲中國孕婦可以公然喺網上買尿做假咁夠薑嘅？ 本來想買尿己經好變態，如果我係女士即刻想報警。依家懷疑有人買尿想製造虛假文書，更加要報警，賣咗尿隨時惹咗官非都唔知，而且對其他大肚婆唔公平。 都係果句，唔修改《基本法》廿四條，解決唔到問題。 後話：Facebook有班膠人，聲稱要搞示威，迫終審法院自己改莊豐源案嘅判決，呢個不單有違《基本法》，而且有可能構成蔑視法庭嘅普通法罪行。如果有人真係搞遊行，搞到過火一定報警，特別係土共同T Party班友，呢單嘢我實睇到實。

「湯 家 驊 引 述 曾 蔭 權 指 本 港 或 現 通 縮 2011-09-06 HKT 12:29 5 名 公 民 黨 立 法 會 議 員 與 行 政 長 官 曾 蔭 權 會 面 ， 反 … Continue reading →

繆美詩：垃圾 認識小弟耐嘅人都知，小弟好鍾意送啲膠人去啲佢地應該去嘅地方，例如曾憲梓跑完聖火最啱直送火葬場，成龍就送佢去北韓，而鬧人係completely rubbish嘅唐膠年，當然第一時間送佢去堆填區。 但係正如Rachel講，送唐英年去堆填區，有可能堆填區唔夠佢用，因為好似唐生呢挺弱智人士，真係一街都係，如果搞到清水灣郊野公園又被膠騰華劃咗去做堆填區，咁真係唔係咁好。所以，我地一定要諗妥善政治垃圾剩餘價值，去做到我地想要做嘅嘢。 唐英年最大缺點係低智，佢最大優點都係低智，佢做特首可能係好事，因為香港建國一定要靠佢，佢簡直係天生嘅原子炭精，點火一流，天氣幾潮濕都會點得著。所以處理唐英年嘅方法，就係送佢去上亞厘畢道住一排，好快有一大棚人趕佢出街再處理。 當然政治垃圾唔只一件，梁振英、葉劉、范徐麗泰通通都係。以下機器，或者會對堆填區問題有幫助。

新加坡第二海水化淡廠水價資料 小弟呢次返新加坡，除咗觀察大選、處理公務，以及見朋友，增肥呢幾樣嘢外，另一個工作，就係了解新加坡海水化淡嘅運作，因為全世界海水化淡最平，正係新加坡。 而Pub嘅新聞公報，令我覺得香港人被人搵老襯。 根據PUB同新加坡Hyflux公司簽嘅BOT協議，Hyflux喺第二間海水化淡廠，第一年最高以新加坡紙0.45/立方米賣水俾政府，大概0.37美金/立方米左右，但Hyflux以往都用平過呢個價嚟賣水，化淡咗嘅水直接飲得。而東江水協議，香港用緊三十一億港紙買十一億立方米未經處理東江水，如果用晒啲東江水，香港人用緊0.36美金/立方米買啲未經處理嘅水，加埋處理費，貴過新加坡海水化淡，仲要東江水源頭有毒嘅話，隨時處理東江水要嘅技術同成本，同處理屎水一樣，咁不如飲新生水算喇，如果新協議因應人民幣匯價上升加價，香港人仲傻仔。更何況香港人用唔晒果十一億立方米嘅水，但俾就俾足十一億立方米嘅錢。 小弟唔介意搵香港私人企業，同Hyflux合作搞水廠。依家咁買東江水，認真正傻仔。

「李 飛 ： 香 港 確 立 絕 對 豁 免 不 會 令 國 企 逃 債 2011-08-26 HKT 17:31 全 國 人 大 常 委 法 工 委 副 主 任 李 飛 表 示 ， 人 大 … Continue reading →

首先，我決定日後叫李克強叫李小強，呢條hihi嚟香港，只係副總理已經巴閉到大清帝國皇帝出巡嘅級數，我諗佢坐正做總理，全港島戒嚴都似。呢啲友仔，真係衰過小強。 今日李小強有幾犀飛利： 1. 封咗般含道同薄扶林道等交通要道，成棚西半山居民遲大到，李小強被人喺的士、巴士問候祖宗十八代，認真不孝。 2. 差佬惡到襟住一班港大學生喺港大示威，以為大明帝國錦衣衛重出江湖，唔爭在將啲太學生攞去廷仗。 3. 海富中心差佬多到離譜，開金鋪都唔駛搵保安，因為有大賊如張子強，都應該被差佬果斷執法，變咗蜜蜂竇。 未做總理都架勢到乾隆咁級數，做咗應該會變隋煬帝咁勁，包括佢嘅下場都係。叫佢李小強，已經好親切兼俾面。

一個詭異地以梅花命名，居然吹到中國東北嘅颱風，一間同樣詭異地以福佳(唔係林忌開㗎)命名嘅化工公司開嘅PX廠，觸發大連市十萬人上街示威，至今未散。 同廈門市PX散步唔同係，儘管當局宣布PX廠會搬，但民眾唔信，大量民眾仍然喺人民廣場，但當局已經block晒大連嘅3G網絡，當局同民眾完全無互信可言。當局退咗無人信，而民眾又唔會退嘅情況下，今晚大連發生乜事，我都唔知。 但由民怨嚟睇，中共越嚟越似晚清保路風潮前後嘅佈局，大家時刻要有巨變嘅心理準備。

「羊城晚報訊 記者楊輝報道：8月12日，網上傳雲南曲靖市越州鎮有總量5000余噸的重毒化工廢料鉻渣由于非法丟放，毒水被直接排放南盤江中。然而，雲南當地報紙報道此事的版面沒有上網，網上也查不到關于污染事件的任何消息。」 香港真係要考慮改為以逆滲透方式海水化淡為主要水源嘅問題，因為水源有問題，可能廣東省都唔知，而東江喺江西嘅源頭係唔係無問題都唔知。 水裡面有重金屬，對大人固然問題大，但更傷係細路。咁搞落去，隨時餵BB仔要一律用歐洲入口的礦泉水，絕對唔係講笑。 林鄭自已唔搞唔緊要，佢最好容許私人投資逆滲透水源。雖然阿水都知，香港政府係賣港殖民政府。