Category Archives: 博客管理

大家見到喺上面會出現Product Pages，因為小弟打算做個試驗，就係喺博客賣書，先賣自己同埋好朋友嘅書，遲啲再推廣到自己推薦俾讀者睇，Amazon又無得賣嘅書。 呢個博客，單靠Adsense查實己經做到現金流上收支平衡，兼有少量正現金流，所以唔係Hosting錢問題。有讀者問小弟能否以優惠價賣自己寫嘅書俾佢，並且寄過去。如果用人手做，就會頗為麻煩而無效率，特別海外讀者嘅金流問題，根本係解決唔到嘅。而自己既然搬番嚟自己嘅Server，咁不如裝個plug-in賣書。 另一方面，依家香港做出版社都幾痛苦，睇聯合出版集團面色做人會死，但二樓書店始終局限係一個唔夠大嘅餅度，所以小弟嘅宗旨係做大塊餅。其他作者可以利用自己經營嘅博客社區，利用Wordpress plug-in自己賣書，亦可以指過嚟設有書店功能嘅友善博客度銷售書本，咁樣應該可以令到出版社、讀者以至作者達致三贏局面。喺電子書平台未普及前，如果一個博客經營有過千讀者嘅社區，當中唔少人喺網上買書，應該可以做第一版唔駛蝕錢嘅水平。 賣書功能會喺測試妥當之後至會啟動，初期應該只會賣自己有份寫嘅書，同埋Rachel嘅書，因為我唔可能有太多人手處理物流問題，但如果日後情況許可，可能會其他人嘅書陸續喺書店出現。互聯網可能係文化產業另類出路，視乎你點做。

由於martinoei.wordpress.com會漸漸開始不作同步更新，要得到最新文章，請更新你的RSS Feed到MO’s notebook 3.75G http://feeds.feedburner.com/MosNotebook375g 請即更新你的RSS Feed 此外，由今日起，部分涉及維基媒體基金會、香港人網的文章，在martinoei.wordpress.com將不許留言，留言必須在blog.martinoei.com。

1. 由今日起，martinoei.wordpress.com會和blog.martinoei.com作同步管理，所有文章會同步刊出，直至另行通告為止，而最終，所有blog文只會出刊於blog.martinoei.com，當martinoei.wordpress.com每日流量低於某一數字，就會執行。 2. 有意出席Rachel本書簽名會嘅朋友請留意，雖然話兩點舉行，但係簽名會係要派籌嘅，為免向隅，請各位提早去圓桌精英果面攞籌，攤位係Hall 1B B22（次文化堂隔離）。 3. 如果拎Rachel本書簽名，想順便買埋小弟本書，並且要簽名本，請儘量透過Twitter、小弟Facebook或者兩個博客提出，等小弟有記錄後，早啲去圓桌精英果面簽名。小弟會周不時去入書展會場，過咗今日要簽名本，都可以提出，小弟儘量配合。 4. 仲有，小弟以下朋友，同小弟本身，都有以往或現時的著作正發售，歡迎去以下攤位捧場 小弟：《天神村南洋政治》 1B-B22 《土豪劣紳》（金圓緣編，小弟係其中一位作者） 1B-D26 繆美詩：《妙筆可言》 1B-B22 林忌：《大仇富》（作者之一，同書仲有陶傑、馮振超、彭晴同梁振英）1B-B26 黃潔慧：《快樂辯論》 1B-D26 （本來呢個公告係要有夜書市果陣出，就係俾維基膠人煩到遲咗出）

由於我們與wordpress.com就公布IP政策上未能達致共識，wordpress.com已經終止在ad control上合作。 鑒於維基中文管理員的投訴，更突顯公布IP政中策重要性，因此我們決定本博客將開始逐步搬遷到由本人自行打理的主機，以及blogspot主機，wordpress.com將在六個月後不會更新，只供翻查。 我們對wordpress.com深表遺憾。

自小弟近日插爆Brian Indiana Chung同脫苦海兩件土共後，土共嘅滋擾性comments數目有明顯增長，不過佢地好明顯連屋企寬頻都唔想用喺工作上，所以佢地用香港公共圖書館嘅電腦系統倒屎 Author : 希斯羅機場入境官 (IP: 202.40.137.197 , 202.40.137.197) Whois : http://ws.arin.net/cgi-bin/whois.pl?queryinput=202.40.137.197 202.40.137.197的Whois資料係咁 inetnum: 202.40.137.0 – 202.40.137.255 netname: LCSD descr: Leisure and Cultural Services Department, HKSAR Government descr: 3/F Lockhart Road Municipal Services Building descr: 225 Hennessy Road, Wanchai … Continue reading →

http://forum4.hkgolden.com/view.aspx?message=1472188 http://forum4.hkgolden.com/view.aspx?message=1472188 呢排膠事多，自己公務都好忙，本來完全唔想理五毛黨亂講啲乜，不過有啲五毛黨已經去到張冠李戴，是非不分，認賊作父的地步，同屍屠嘩呢類粉腸一模一樣，必須清理。 1. 有關的士篇文明明係林忌寫，點解張冠李戴屈係我寫，唔通有人想老屈我抄林忌稿，當高登人唔睇我和林忌嘅博客。問吓黑橋牌牛肉乾條膠人，佢比較清楚。 2. 俄羅斯係中共隻狗呢挺話，我估係得漢奸至講得出，點解我咁講，黑瞎子島主權明明全屬中國，依家中國死求難求至收回半個黑瞎子島加銀龍島，另外一半黑瞎子島永久失去，呢啲替中共呢類賣國賊政權張目的言論，唔係漢奸係乜？ 3. 呢啲永遠唔找數的土共會員，成日改埋晒啲古古怪怪暱稱，例如總統奧巴馬，永遠唔打算同自己的言論負責，所以我一定係公布會員號碼來對付。 呢啲土共不事生產，正一人間廢物。

黃雅麗：寫博與性 本來有好幾篇Leona的文想回應，不過這篇比較易回應的，對大部分初學寫blog的人，小弟同意她的看法。這個本來是小弟私人筆記簿的blog每天update，查實是有點異常，因為博主某程度上是寫了十多年稿，而小弟每天都規定自己做常規研究工作，用一個比喻是，這博主是職業軍人，每天都要在軍營練習射擊，維護槍械，所以每天寫是正常，但對大部分人，除非你打算做職業作家，否則無必要迫自己定時定候寫blog，否則只會令你厭倦寫作，忘了寫blog的樂趣。一如大部分人擁有槍械，都是防身自衛，或者用來打打獵，定時保養和去靶場練習一下便是，但沒有需要每天都去靶場燒槍。 亦無必要計較篇幅長短，對寫作而言， 篇幅長短限制是有礙思考。就算小弟寫慣報章規定篇幅的稿件，在這個博，可以見到小弟可以幾句便收筆完事。寫blog儘量隨心行事，自己感覺好便寫長一點，感覺完了便完了，切忌喋喋不休。就算練靶，除了你打算做sniper，否則真沒需要百發百中。 但更切忌是比較，在寫作上，人比人，比死人，當你不志在做諾貝爾獎大文豪時，真的沒必要比較篇文有多少comments或有多少page views，有時有些page views是因時勢出現，像華麗園年糕篇文，是本博閱讀人次最高的非政治類文章，但大部分page views不是在2006年出現，而是2009年新春前出現，因為大家要買年糕。而近日多人翻查關於張思晉和袁志偉的文章，因為這兩人又搞出膠來，page views這回事多少有運氣的。 除非你打算當職業作家，否則blog應是很隨意一件事。但有志當職業作家，就另計。

我想我也是時候，談一談博客性騷擾這個問題。 剛才在繆美詩的博客中，看到一名以簡體字留言的傢伙，留下一些性騷擾留言。當然我不是博客主人，只能出comment聲討這類行為。不過網絡世界乜人都有，加上好多人以為網絡匿名世界就講乜都得，所以有部分女博客，很可能受性騷擾，或一些離奇古怪的攻擊性言論滋擾。 若論對女用戶提供的保護，我個人認為Wordpress好一些，因為Wordpress系的系統有IP記錄，網絡色狼不敢太過份，特別用香港IP，始終這種公然性騷擾的事會惹來麻煩。對個人屢犯不改的人，亦可以用spam和black list系統對付。不過我承認一點，對不少blog的新手，Blogspot是比較易用，亦比較容易吸引人流。 但如果博客讀者不自律的話，我個人建議部分女博客，採納博客留言審核制度，所以留言都要經過審核才出街。管理上比較費神是無可避免，但對付這些性騷擾讀者沒辦法了。 我認為男讀者也不是什麼都不用做，見到性騷擾言論作出聲討，嚇走那些不知好歹的傢伙都蠻重要。不要以為在網上吃人豆腐，是不會有人理。

本post不設回應，亦不設pingback。 本blog己經在2008年10月8日下午（香港時間），對paulymh採取永久封禁行動直至另行通告為止。 之後有很多我針對最低工資的回應，都不是回應paulymh，而是Dog Eat Cat，但paulymh一再以為我回應他，然後指我老屈。我對這種強辭奪理行為絕不會屈服，這種做法與紅衛兵要求批鬥對象跪玻璃一些分別都沒有，因此，我作為本blog主人，採取永久封禁行動。 另一方面，有些最低工資支持者，己經不打算講道理。與一些自以為是，自我感覺良好的傢伙，討論是沒有意思，我並不會再回應這些人的言論。本人提出支持立法保障集體談判權，己經充分衡量工人權益，與實際效果。但部分左派支持者，只是想將他們幻想的烏托邦加諸別人。 我亦請最低工資支持者，支持他們的主張時，必須負上相應責任。最低工資造成的失業人口的生計，請由他們去承擔，不應由納稅人代他們買單。用別人的錢來實踐自已的幻想，不負責任程度與金融界濫用他人金錢搞出次按黑洞等同。