呢個博客，單靠Adsense查實己經做到現金流上收支平衡，兼有少量正現金流，所以唔係Hosting錢問題。有讀者問小弟能否以優惠價賣自己寫嘅書俾佢，並且寄過去。如果用人手做，就會頗為麻煩而無效率，特別海外讀者嘅金流問題，根本係解決唔到嘅。而自己既然搬番嚟自己嘅Server，咁不如裝個plug-in賣書。

另一方面，依家香港做出版社都幾痛苦，睇聯合出版集團面色做人會死，但二樓書店始終局限係一個唔夠大嘅餅度，所以小弟嘅宗旨係做大塊餅。其他作者可以利用自己經營嘅博客社區，利用Wordpress plug-in自己賣書，亦可以指過嚟設有書店功能嘅友善博客度銷售書本，咁樣應該可以令到出版社、讀者以至作者達致三贏局面。喺電子書平台未普及前，如果一個博客經營有過千讀者嘅社區，當中唔少人喺網上買書，應該可以做第一版唔駛蝕錢嘅水平。

賣書功能會喺測試妥當之後至會啟動，初期應該只會賣自己有份寫嘅書，同埋Rachel嘅書，因為我唔可能有太多人手處理物流問題，但如果日後情況許可，可能會其他人嘅書陸續喺書店出現。互聯網可能係文化產業另類出路，視乎你點做。

http://feeds.feedburner.com/MosNotebook375g

請即更新你的RSS Feed

此外，由今日起，部分涉及維基媒體基金會、香港人網的文章，在martinoei.wordpress.com將不許留言，留言必須在blog.martinoei.com。

2. 有意出席Rachel本書簽名會嘅朋友請留意，雖然話兩點舉行，但係簽名會係要派籌嘅，為免向隅，請各位提早去圓桌精英果面攞籌，攤位係Hall 1B B22（次文化堂隔離）。

3. 如果拎Rachel本書簽名，想順便買埋小弟本書，並且要簽名本，請儘量透過Twitter、小弟Facebook或者兩個博客提出，等小弟有記錄後，早啲去圓桌精英果面簽名。小弟會周不時去入書展會場，過咗今日要簽名本，都可以提出，小弟儘量配合。

4. 仲有，小弟以下朋友，同小弟本身，都有以往或現時的著作正發售，歡迎去以下攤位捧場

小弟：《天神村南洋政治》 1B-B22 《土豪劣紳》（金圓緣編，小弟係其中一位作者） 1B-D26
繆美詩：《妙筆可言》 1B-B22
林忌：《大仇富》（作者之一，同書仲有陶傑、馮振超、彭晴同梁振英）1B-B26
黃潔慧：《快樂辯論》 1B-D26

（本來呢個公告係要有夜書市果陣出，就係俾維基膠人煩到遲咗出）

鑒於維基中文管理員的投訴，更突顯公布IP政中策重要性，因此我們決定本博客將開始逐步搬遷到由本人自行打理的主機，以及blogspot主機，wordpress.com將在六個月後不會更新，只供翻查。

我們對wordpress.com深表遺憾。

土共五毛不在話下，這也是我將六四北京大屠殺歷史重整計劃放在Wordpress的原因，中國IP或一些Public Proxy IP搞事就放馬過來吧，但有些流氓留言者同樣是不知所謂，有部分是一些擺明搞性騷擾的傢伙，之前小弟己經在Rachel那裡掃蕩了這類人，另一些就是可能在公、私事上，眼紅他人，然後利用網絡匿名性講說話不負責任。最近Leona博客遇上一名不知所謂的匿名留言者，正是這類。

那人講到自己何等光明正大，我就看他敢不敢在我這裡留言。小弟的博客是私人地方，我開放並不代表要讓某些人撤野，有些人濫用言論自由這擋箭牌，事實上只是借來搗亂。這類人，小弟並不打算對他們客氣。

而我對初學博客的人忠告是，如果你是女用戶，或可能言論較惹火，不要容許匿名留言，必須留一個ID，或者可讓自己查閱IP紀錄。除非你的武藝有林忌般高強，專門把這些人當喪屍來打，另計。

延伸閱讀：
黃雅麗：回一個匿名留言
黃雅麗：新聞系女生（就是這篇文，遇上了流氓留言者，我正等那位匿名爛人上來我這裡）

有些詞語係唔可以打錯，否則會膠到笑死人。

二次大戰時的日本九一式魚雷，圖：維基媒體基金會

魚雷：魚雷（torpedo）是一種具備自我行走能力，在接近水面或者是水面以下航行，用以攻擊水面或者是水底目標的一種武器。魚雷可以由潛艇、軍艦、直升機或者是固定翼飛機等載具上面發射。
維基百科中文

魚炮：港 大 化 學 系 副 教 授 馮 應 昇 指 ， 「 魚 炮 」 是 一 種 炸 彈 ， 是 漁 民 專 用 捕 魚 炸 藥 ， 本 港 已 禁 用 。
馮 應 昇 相 信 ， 男 童 是 把 「 魚 炮 」 拆 開 ， 用 粉 末 做 化 學 實 驗 。
香港電台網站

魚雷有成枝導彈咁大支，抱住嚟自殺或者得（點引爆呢？），吞魚雷自殺，恐怕只有巨人至做得到。寫稿唔用常識嘅結果，就係寫咗膠文出嚟。

話雖臨近假期，都唔駛俾些笑到肚痛嘅嘢架。

解決溫室效應，碳排放過多嘅問題係刻不容緩，但我地可以做到乜？學邱騰華呢挺膠人，提埋晒停車熄匙呢類膠政策就聽收工都得，浪費地球資源但效果係近乎零（邱騰華印膠文件斬咗幾多樹先得？）。

真係要解決碳排放問題，關鍵係點樣不影響大家的生活，甚至令大家的生活更廉宜更方便，但仍然做到減碳排放嘅目的，呢個就係要解決溫室效應應該要做，而有幾樣嘢，小弟未見過政府或私人機構認真做過：

1. 在一些不用太高電壓的應用，採用太陽能，例如街燈，或者在大廈設太陽能板，再提供USB插口，俾人充電之類（用太陽能唔代表唔污染，用多晶硅技術一樣係製造大量有毒物質，呢啲又係班環保膠唔會講，唔係每一種太陽能技術都係對環境污染最少）。
2. 確保公共交通工具最順暢運作，大大減低採用私家車，以至減少塞車（呢件事，政府只識將人好似沙甸魚咁塞落港鐵度，渡輪果啲替代方案，就一路打擊，政府關心港鐵賺錢多過關心環保）。
3. 為電動車提供基建和使用上優惠（你叫政府街燈裝太陽能板都無做，唔好講街燈提供充電插口，稅務優惠？有就唔會膠到港產電動車可以在歐洲駕駛，但唔可以在歐洲駕駛。）
4. 檢討香港的公路網，減少車輛滯留道路嘅時間。
5. 對中國南來車輛加強管制（中國車輛入的油，以至維修幾得人驚？）
6. 對巴士維修作出有效監督（香港的巴士維修之爛，俾你歐盟四型偈，歐盟五型柴油咁又點？）

香港班膠官，只識做show，無一個大戰略。正如依家臭氧層穿洞問題逐步解決，係因為逐漸有發泡膠、Halon系滅火劑（依家用FM200代替BCF, BTM藥劑，而FM200可以用番BCF, BTM用開的系統）有更合符市場原則的替代品，至叫禁止破壞臭氧層化學劑公約可以執行，否則只會一如禁止捕鯨公約，完全得啖笑。

人類係要解決地球暖化同溫室氣體問題，但照依家班膠官的戰略，我們尚離俾條生路地球行好遠。

延伸閱讀：
繆美詩：我們還有100年嗎？

本來年青人有好奇心是好事，但這次出現有人私下研製TATP出事，就很明顯那些在中小學軍訓計劃，應該立即叫停。

現時香港各大中小學所謂軍訓計劃，根本是希特拉青年團（Hitler-Jugend）的中國共產黨版，希特拉青年團當年成立的目的，就是扭曲童子軍的作用，不是訓練紀律，而是訓練愚忠軍人，因此，有一些不應該在童子軍出現的訓練項目，例如搏擊，以至炸藥、槍械、政治意識形態等訓練。如果要訓練紀律以及獨立自主，英國式的童軍訓練非常足夠。

希特拉青年團，在1935年於中國所建立的營地，聯邦德國政府檔案館向維基媒體基金會提供照片

過往希特拉青年團有沒有搞出膠，小弟未有深究，但當年德軍訓練精良是有名的，至少不會出現拿炸藥來當玩具玩，甚至容許小部分人偷運TATP的膠事。但中國人民解放軍的軍紀是怎樣的軍紀？作為聯合國安理會五強之一，中國人民解放軍可能是裝備、軍人素質、將領戰略理論水平、內部管理等等最差的一個，試問這樣搞出來的軍訓，怎可能令初中生意識到炸藥的危險性？

由政治角度，以至由安全角度，甚至公共安全角度，現有各大中小學的少年軍訓必須停止。現在我開始明白，為何土共會搞出進攻美國領事館都可以當訓練內容的膠事來，這幫人的安全意識之爛，真的吾不欲觀之。

後話：坦白說，TATP甚至不應是正規軍隊應有訓練內容，因為TATP不穩定，並不適合正規作戰，只有恐怖分子打「超限戰」，才會學用TATP，由這一點來看，解放軍部分不負責任的將領，似乎不斷私下訓練「超限戰」技巧，教導恐怖主義攻擊手段，完全捨本逐末，香港家長們應該考慮清楚，這類軍訓是否值得參與。

不過點解依家飛機一般唔俾帶液體上機，因為果班回教恐怖分子化學知識真係好豐富，佢地除咗知道在容易買到原料（女仕們用的指甲油已經可以搞到足夠丙酮，基本上，TATP原料可以在超級市場同藥房執齊，我呢度唔提供有關配方，免得有膠人有樣學樣），仲有一點係好重要，就係TATP係不含氮，而現時偵測炸藥嘅的儀器都係針對氮，咁樣做成咗一個X光查唔到，化學方式都查唔到嘅漏洞，係好大劑。所以依家航機禁止帶液體嘅目的，係防止恐怖分子帶大量液體上飛機還原成足以炸爛客機嘅TATP（粉狀TATP係好唔穩定，所以要大量液體減低爆炸性或者變成另一種可以立即在飛機上還原的化學品，以免未上機已經爆咗），在飛機上還原然後爆炸。

小弟真心希望，果三名中一學生係一時好奇學人做TATP呢種咁危險的爆炸品，而唔係為咗硬膠理由去施襲。研究科學，唔係研究呢啲膠嘢。已經係今年第二單有膠人在屋企研究炸藥（今年2月11日，天水圍有位十七歲年青人，又係在家中製炸藥出咗事），結果硬膠嘅事件，究竟依家香港發生乜事？

Author : 希斯羅機場入境官 (IP: 202.40.137.197 , 202.40.137.197)
Whois : http://ws.arin.net/cgi-bin/whois.pl?queryinput=202.40.137.197

202.40.137.197的Whois資料係咁
inetnum: 202.40.137.0 – 202.40.137.255
netname: LCSD
descr: Leisure and Cultural Services Department, HKSAR Government
descr: 3/F Lockhart Road Municipal Services Building
descr: 225 Hennessy Road, Wanchai
country: HK
admin-c: CH681-AP
tech-c: TL512-AP
notify: dbmon@apnic.net
person: Computerization Unit of Hongkong Public Libraries
nic-hdl: CH681-AP
e-mail: libcu@lcsd.gov.hk
address: Computerization Unit, 6/F, City Hall, High Block, Central, Hong Kong

香港公共圖書館嘅電腦系統，係用嚟俾市民搵資料，俾學生做功課，唔係俾你班五毛黨上嚟各大博客倒屎，濫用公共設施到咁嘅程度，都可以用無恥嚟形容佢地。為咗保障公共利益，我促請香港政府，向果啲濫用圖書館電腦嘅五毛黨收番倒屎費，每條倒屎comment收五蚊。

所以土共就係咁低質素，唔單只滿口污言，人身攻擊，仲要濫用公共資源，用啲人唔用寄生蟲嚟形容佢地都唔得。