以上呢首睇落好娘嘅歌，係1974年Eurovision葡萄牙參賽作曲，表面睇，一首普通嘅情歌。

但喺軍事史上，呢首歌好出名，因為葡萄牙1974年康乃馨革命，政變軍人喺佢地控制一間教會電台搵DJ播呢首歌作為全國軍營出兵訊號。跟住軍人控制全國主要戰略據點，幾個鐘後，同一電台播首禁歌出嚟，跟住宣布政變軍人已經向政府開拖嘅公告。

比起女武神行動，葡國軍人不單控制電台，仲用當時嘅流行曲暗藏政變指令，成為軍事史經典。

點樣利用好平常唧嘢暗藏行動訊號，葡國軍人嘅做法好值得大家推敲吓。

呢度好早都講過，香港捲入蘇格蘭獨立公投漩渦裡面，因為蘇格蘭同英格蘭呢個聯合王國分開，三百萬BN(O)同BC就要選擇新國籍，而蘇格蘭王國唔可能保留原有嘅分等級國籍制度。

只不過，首相大人呢鋪要十八個月內就要SNP來公投，呢劑未必玩得太大，近乎玩火，隨時玩到膠晒。

我明白David Cameron打緊乜算盤，因為對保守黨，蘇格蘭留喺度一啲著數都無，所以David Cameron想快刀斬亂麻，唔好被SNP嘅Devolution Max方案凌遲處死。保留原狀佢就國家英雄，有利一旦同Liberal Democrat反檯解散國會大選，蘇格蘭走咗仲好，為保守黨獨力執政打好個底，唔好俾工黨蘇格蘭黨團成日攞一大堆席位，搞到侷住同Liberal Democrat合作。

問題係，走得太急，急到好可能都唔夠時間修改BNA 1981找數，十八個月內要公投，如果公投過咗，香港無嗱嗱多咗一堆蘇格蘭人喺度，例如無啦啦有一堆立法會議員有蘇格蘭國籍，咁係違憲國會嚟，諗住點收科？如果依家立法會條例修例，唔准立法會議員有BN(O)，咁中國政府又唔承認BN(O)，足夠引發一場法理大風暴。

而且我無《衛報》咁老定，覺得蘇格蘭因此獨立唔到，因為保守黨夠廢，隨時係蘇獨支持者大過反對者，因為無咗Devolution Max方案。

但香港人，依家諗清楚三件事：

1. 蘇格蘭、英格蘭分家公投裡面，在英有投票權人士要投乜票，或者駛唔駛改選民登記為蘇格蘭
2. 喺BN(O)問題上，要點處理，要爭取一個最佳條款
3. 香港突然有成百萬蘇格蘭人嘅話，諗住點爭取香港同蘇格蘭共同利益

但呢鋪David Cameron賭得太急，玩死全世界就係。

雖然今日成千人去D&G抗議，已經搞到連陰司紙都出埋，同佢玩破地獄，在場中國旅行車經過亦被人勁噓。但D&G似乎未知死字點寫，大家睇D&G嘅回應。

D&G嘅回應

「D&G強調無意冒犯港人
08.01.2012 22:04
超過六百名市民響應網上號召，下午到尖沙咀廣東道D&G店外影相，抗議D&G早前不准市民在門外拍照，是歧視港人，要求道歉，入夜後人群散去；D&G 晚上發表聲明，對被牽涉入爭論深表遺憾，強調絕對無意，冒犯任何香港市民，又指本港傳媒報導具爭議性的陳述，並非出自公司或公司的員工，並強烈反對任何帶有種族主義或貶意的言論。 D&G下午關舖不做生意，大批警員到場維持秩序，封鎖半邊行人路。旅遊業界立法會議員謝偉俊，亦有到場聲援網民，他表示，會在立法會提出質詢。」

唔認錯，仲要推三推四，當香港人係乜？除咗明天，甚至下周繼續去D&G旗艦店，甚至office抗議，有可能要將抗議浪潮延入歐洲，等佢地知道死字點寫。

2011-12-30 HKT 21:55
幸偉雄報道
入 境 處 的 工 會 表 示 ， 面 對 大 批 內 地 旅 客 來 港 ， 及 內 地 孕 婦 衝 關 ， 前 線 人 員 工 作 壓 力 好 大 ， 希 望 增 加 人 手 。
工 會 說 ， 若 果 當 局 未 有 回 應 ， 不 排 除 會 有 激 烈 行 動 。 」

我發現香港啲工會太直必腸，鋪鋪罷工都要懶係激，一係按章工程，一啲創意都無，一係無效果，一係好擾民，完全無中間路線可言。

識玩膠嘅法國佬，罷工通常都係，佢地可以罷工，但市民一定由罷工裡面獲得著數。例如隧道收費員罷工，唔會封鎖條隧道，佢地照返收費亭，不過啲車免費用隧道一日。或者地鐵罷工，佢地有車照開，但唔收你錢之類。

同樣道理，入境處工會可以係咁，一旦傾唔掂數，香港永久居民counter、E道照開，跟住免簽證國家國民，除咗係恐怖分子，阿水都俾佢入去。但雙程證、單程證、自由行、中國大肚婆之類嘅，唔好意思，佢地全部唔俾入境，胡錦濤嚟都無面俾，跟住政府立即答應增加人手。

信我，你咁罷工法，全香港支持你罷足一年都得。

「鍾 庭 耀 電 郵 回 應 表 示 ， 歡 迎 學 術 探 討 ， 但 希 望 學 術 歸 學 術 ， 不 要 有 政 治 動 機 。 他 又 指 ， 有 社 會 學 家 二 十 多 年 前 已 經 將 香 港 人 和 中 國 人 並 列 ， 量 度 港 人 身 分 認 同 。 他 明 白 當 中 有 局 限 ， 所 以 設 計 調 查 時 除 了 「 香 港 人 」 、 「 中 國 人 」 、 「 中 國 的 香 港 人 」 ， 以 及 「 香 港 的 中 國 人 」 外 ， 還 加 入 「 中 華 民 族 一 分 子 」 、 「 中 華 人 民 共 和 國 國 民 」 、 「 亞 洲 人 」 和 「 世 界 公 民 」 供 人 選 擇 。 既 然 有 人 建 議 加 入 「 英 國 人 」 一 項 ， 他 樂 意 考 慮 。」

雖然我人喺大阪，但係笑到肚痛。

鍾庭耀過往就係忌諱香港仲有大把英國遺民呢樣嘢，至無加英國人呢個option，如果鍾庭耀照郝生建議，加英國人呢個option，我可以講，結果係慘死，香港人一定認同自已係英國人多過中國人，屆時都係快啲叫政府搞全民公投回歸英國算喇。

雖然，我唔排除郝鐵川查實係真心，純正嘅港獨派嚟，多謝佢公開贊成加英國人呢個option，我嘅回應，求之不得，鍾博士快啲加英國人呢個option做多次，我諗如果佢要搵人贊助搞香港前途公投，大把人會湧出嚟俾錢佢。

唔好話英國，香港都有唔少膠人，以為著住納粹德國時期軍服好好玩，甚至有啲中國憤青，夠膽死買中國研究納粹軍服嘅書入歐洲。如果做埋呢啲膠嘢，被人拉咗唔好怪人。

歐洲對納粹嘅態度，同日本對自已皇軍嘅態度係一個相反，喺歐洲，除咗英國同直布羅陀，大部分國家，你著住納粹軍服行街已經係罪行，喺部分東歐國家，甚至你夠膽著住共產黨有關嘅野，都係罪行。因為歐洲係主力阻止呢啲變態思想死灰復燃，所以呢位英國國會議員，夠膽喺阿爾卑斯山玩膠，我幫唔到佢。

英國係無壓力去立法咁解，但香港既然可以自稱三合會會員，或收藏三合會詩歌即屬犯法，英國話唔係戲劇、歷史研究情況下去展示納粹軍服都係犯法，理論上做得到，但唔知點解唔做咁解。

但我有必要提醒各位，入鄉問禁，有啲膠嘢絕對唔可以玩。香港喺呢方面意識，好弱。

但小弟在此提醒各位，去漢城，自己孭兵險。

漢城係好近三八線，而仁川機場就更加近三八線。如果北韓只係以往金正日式勒索，漢城係有兵險，但唔嚴重，基本上係安全。但依家金正日死咗，唔係咁睇。

蘋果喺12月23日頭條係解放軍駐軍平壤，如果係嘅話，已經係等同侵略，同埋證明北韓內部不穩，因為北韓啲友都餓到頂唔順，如果有人起兵叛變，或大規模騷亂，乜事都可以發生，包括導彈襲擊仁川機場、金浦機場甚至市中心，到時唔識乜叫走難嘅香港人，真係膠到核爆。特別仁川機場，肯定係首要襲擊目標，你想坐飛機返香港？咪發夢。

所以，如果你見勢色唔對，係應該考慮改行程，換機票。對新年行程，我個人貼士係，買國泰－港龍嘅仁川入、釜山出機票最實際，有乜冬瓜豆腐，就坐KTX去咗釜山，然後仲返到嚟香港。當然，如果中國捲入戰事，韓港航線應該會全部斷晒。但釜山至少係肯定有得走，就算韓戰聯合國軍打到最差果陣，釜山仍然守得住。而KTX嘅出現，至少電力未中斷，漢城未失守嘅話，高鐵仍然可以帶你去到光州等地區，呢點好過純粹靠內陸機。

亦因為咁，我強烈建議，你有BN(O), BC, 美國、加拿大、澳洲、紐西蘭、葡萄牙、台灣等國護照，你呢次應該用呢啲護照去韓國玩，因為一旦開拖，你喺南韓身份係南韓盟國，或者中立國國民，咁樣你可以被安排撤走，至少英國應該有機會撤去日本先。但如果你揸特區護照入去，你隨時一開拖就係敵國公民，到時你自己慢慢刨《日內瓦公約》自保。

台灣成為VWP候選國，正常喺半年後，台灣有Biometric嘅護照併用國民身份證後，將會得到VWP待遇。呢個決定，亦為BNO成為VWP候選國掃除障礙。

無論資料交換機制，護照設計等等，BNO都已經準備好入VWP，甚至美國嘅電子授權系統都有包埋BNO，但之前有兩個障礙：

1. 如果BNO都有VWP，咁俾唔俾台灣呢個美國盟友VWP？會唔會因此激嬲中國？

2. 點樣確保台灣護照同BNO嘅永久居民身份係穩陣？

連中華民國(台灣)護照都可以VWP，咁中國對BNO有VWP未必有反應，加上BNO入VWP係可以跳過候選國呢關，只要對英國嘅VWP待遇修改就係(簡單嚟講，任何有HKROA或UKROA嘅英國護照都可以VWP，咁就解決問題。)對美國有利，因為本來負責澳門、台灣、香港三地B1/B2簽證嘅香港使館，會少咗好多工作量。

但係特區護照永世都唔駛諗，香港獨立後或香港回歸英國後嘅護照，就有機會VWP。

好多人認為拉開新馬分家關鍵序幕，係1964年7月21日嘅種族騷亂。但真係令人民行動黨立心反攻馬來半島，最終迫使新馬一定分家，係9月嘅騷亂：

新加坡文獻館：新加坡1964年種族騷亂真相

「9月2日晚上，一名华族史古打骑士在东海岸路被两名马来人以石头攻击；10分钟后，一名华人在巴耶利¤路从巴士下车时，突然遭到两名马来人的袭击；一个半小时后，一名57岁的马来小贩在芽笼士乃神秘被杀，有人声称“他是被一群华人所杀，目的是要激起马来人对华人的种族仇恨”。这个事件激怒了在附近的马来人，并在这个地区引起一些种族冲突事件。到了隔天早晨，共有九名华人在冲突中受伤，其中两名伤势严重。

当政府在9月5日暂时解除戒严后，芽笼士乃又出现种族骚乱，警方后来展开行动逮捕了一些涉嫌颠覆活动的分子。到了9月8日，马来西亚副首相敦拉萨来新加坡访问，他促请甘榜的马来同胞“不要理会印尼试图挑起种族情绪的行动”。隔天，整个局面几乎回复正常。在9月的种族暴动中，总共有1439人被捕，新加坡政府最终在9月11日全面取消戒严。」

雖然似係印尼做（因為印尼當時派兵入侵柔佛州，簡單嚟講，蘇加諾條友已經黐咗線），但實際上，人民行動黨心知肚明，如果無大馬巫統班友縱容，係唔會俾呢類無厘頭襲擊發生，當時同印共合作無間嘅印尼，入侵柔佛州仲得到唔少大馬華裔協助，蘇加諾未膠到拎起石頭打自己隻腳嘅程度。只不過七月騷亂係明做，九月就暗做兼順便嫁禍俾印尼。人民行動黨因此決定反擊，喺全馬推廣馬來西亞人馬來西亞理念，之後東姑拉曼認為新加坡留喺度，簡直養虎為患，又唔敢引用ISA或者緊急法令將新加坡州政府嘅友仔全部拉清光，結果決定驅逐新加坡，睇李光耀點hihi（佢點知李光耀爆seed爆成咁啫）。

新報：adidas店排隊釀爭執

「現場為漢口道17號新聲大廈地舖，為運動服品牌adidas租賃地舖至3樓，闢作旗艦店。昨下午4時許，一名姓黃，身穿adidas「三間」設計款式淺色長袖運動外套、深色「三間」運動鞋的男子（23歲），與姓陳女友人（40歲）同到該店選購衣物，在2樓選得心頭好後，拿貨物欲往近樓梯的收銀處排隊付款。期間，不知為何與一名帶年幼男童、操內地口音的男子發生爭執，店員一度介入調停，但躁漢帶男童悻悻然離去。豈料約15分鐘後，躁漢手持利刀隻身折返尋仇，滿腔怒氣衝上旗艦店2樓，不由分說揮刀斬向黃的右邊後腦，躁漢欲再施襲，陳女制止時右手被斬傷，男店員姓黎（25歲）挺身阻止時左手無名指亦被割傷，現場遺下血斑斑。其他店員見發生血案，即時報警，兇徒可能亦被自己的暴行嚇怕，呆若木雞站在一旁。警方到場即將姓吳疑兇（39歲）拘捕帶署調查。救護員到場為3名傷者進行包紮後，送往伊利沙伯醫院診治，現場漢口道則圍滿看熱鬧的巿民，旗艦店事後拉閘暫停營業。」

呢次斬人，令我諗起1965年9月嘅新加坡。

未必係中共指令斬人，如果係中共製造斬人事件，立心製造種族騷亂（華語民族 v. 粵語民族），可以再誇啲。但呢次夠膽打尖斬人，唔只有人無公德心咁簡單，啲五毛喺內地孕婦論壇上，不斷貶低香港，仇恨香港嘅言論，應記一功。呢班友嘅無恥程度，同當年嘅《馬來前鋒報》絕對有得揮。

中國人入侵香港，再加上中國喺廣東省推普廢粵，同埋陸豐騷亂，香港人危機意識一啟動，唔係個個都係黃世澤呢挺港獨派，或陳雲呢挺自治主義者。如果有大棚人話要成為中國喺粵語文化捍衛者等等，一如當年馬來西亞人民行動黨嘅地位。中共會否怕兩廣獨立成燎原之勢，加上自已都管唔掂，甚至應付高幹嘅著草需要，要求香港離開，但由得香港自生自滅？

我唔信中國人有東姑拉曼嘅政治智慧，但依家嘅香港，絕對可以用牙煙過牙煙形容。如果中國人同香港人爆發大型騷亂，《中英聯合聲明》真係唔認default都唔得，屆時膠事一觸即發。當年馬新之爭，英國駐當地最高專員都有多少週旋調停，但大家最後都知係得個吉。

我諗黃春平呢條hihi嘅出現，話俾大家一件事，就係《中英聯合聲明》，中方已經明顯default咗，即係走數。

就算黃春平即刻辭職，都唔會改變中方刻意違反《中英聯合聲明》嘅事實。由於呢份係declaration，而唔係treaty，加上《南京條約》嘅文本手握喺英國唔承認嘅中華民國政府手上。所以一旦走數，係要做嘢。

對中國嚟講，如果佢地唔想香港真係成為美國借英國隻手控制嘅島鏈一部分，喺戰略上最正確嘅做法，當然支持陳雲主張嘅HKAM，將香港喺中華人民共和國名下中立化。但如果中國有咁嘅頭腦，就唔會搞到依家咁一鑊泡。所以依家明顯走緊嘅方向，係以《中英聯合聲明》有人走數為理由，點利用三百幾萬在港英國國民，嚟令英國最終插手香港。HKAM係可行，問題係中南海班友胃口太貪，呢個問題由清朝至今都無改過。相信最多香港人支持香港成為類似瑞士嘅中立國，亦最合符香港人性格，問題係中國人嘅戰略頭腦，連希特拉都不如。（希特拉係利用瑞士嘅中立玩咗好多膠嘢，呢個亦令瑞士喺1995年要為喺二次大戰嘅行為道歉，但國際社會都明白瑞士嘅處境，如果瑞士唔合作，係唔係好事，好有爭議性）

首先，肯定要喺House of Commons篤爆班公務員寫啲香港報告欺騙公眾，一定要等公眾知道班公務員講大話。之後要睇英國點插手，係BN(O)平權，放寬入境限制，或者喺香港作為英國之下一個Nation嘅前提下「回歸大英帝國」（回歸殖民地技術上唔多可行，英國國號係可能改成United Kingdom of Great Britain, Northern Ireland and Hong Kong，但呢個會涉及俾唔俾直布羅陀同福克蘭群島升級成Nation嘅問題），定香港成為奉女皇為名義君主嘅獨立國家，英國要用乜手段找數係要傾，否則當天下大亂果陣，英國一定係被美國指住用最甘嘅方法找數，美國請客英國埋單你估好好玩。

由中共近年嘅表現嚟睇，中國只會殺雞取卵，唔好指望中國會為香港打算。香港人係時候，要諗定點自救。大中華民族主義？算吧喇，果啲係用嚟昆我啲祖宗，亦即係啲南洋同美國華人用，你信佢半成都死。