Category Archives: 英國與歐洲

12月7日，日軍由單冠灣（今千島群島擇捉島）出發艦隊偷襲珍珠港，12月8日日軍就空襲深水埗軍營和啟德機場。今日是太平洋戰爭七十年，但香港政府一啲表示都無，唔好講傳媒。 香港保衛戰係香港歷史重要一役，軍票問題日本固然未找數（係走緊數），而三年零八個月嘅日子，亦應該為港人世世代代所記。但中國政府立心要刪除歷史記憶，所以隻字不提，極為可恥。 香港有乜人會提呢單嘢，我諗反而係英資公司會緊記呢件事，我坐國泰飛機，今期佢地嘅航機刊物，登咗篇特稿，講陳策將軍，KBE，呢位中華民國國軍獨腳將軍，憑幾隻英軍投降前留低嘅艦艇，一條友帶住幾十位英軍軍人、港府官員同埋中華民國駐港官員，殺出重圍，翻山越嶺抵達仍然喺中華民國軍隊控制下嘅惠州，真係少啲膽量都唔掂，因為當時日軍足夠打到佢地變蜜蜂竇。同埋呢班倖存軍人嘅子孫，重臨故地嘅故事。陳策憑佢勇救英軍嘅功績，獲得英帝國爵級司令勳銜，如果佢有英籍，佢真係叫陳Sir。點解可以荒謬到，得一間航空公司仲會記住呢段歷史。 歷史係一國之本，所以一定要珍重香港重要嘅歷史，特別被侵略嘅歷史。中國點解搞到咁大鑊，因為中國人太善忘，香港人係唔可以學中國人呢挺衰嘢。

小弟當眾秒殺楊哲安嘅地方 楊哲安係政治助理裡面，入職果陣仲揸英國公民護照嘅友仔。佢叫人愛中國，結果被我當眾秒殺。我最憎揸住唔係中國國籍嘅，仲幫中國講好說話，由鍾逸傑到楊哲安全部都勁乞我憎。 有任何揸BC嘅友仔親共，一係被我秒殺，一係應該MI5會幫佢開file。對呢啲友仔，認真唔駛客氣。

近排申請BN(O)嘅友仔，應該收到新版直接由IPS製作嘅護照，但係新版護照有兩件幾奇嘅事。 1. 你會收到NHS呼籲簽器官捐贈卡嘅廣告，但呢個可以解釋係因為海外BC一同處理，順個便咁解。 2. 裡面內頁對英國居留權嘅註釋係改咗，舊版係咁寫 「British Citizens have the right of adobeabode in the United Kingdom. No right of adobeabode in the United Kingdom derives from the status, as British nationals, of British Dependent Territories citizens, British Nationals (Overseas), British … Continue reading →

請問以上1980年，BBC Two（本土服務）Not the nine o’ clock news嘅片段，同唐英年宣布參選宣言有乜分別，請話俾我聽。

有線寬頻：曾蔭權對港進TPP持開放態度 雖然喺北京心目中，TPP係架空APEC，重建太平洋島鏈嘅一步。但曾蔭權係資深嘅經濟官員出身，佢好清楚，香港經濟依靠美國多於中國，所以佢係想入TPP。 佢同時提及香港特區護照Visa Waiver Program問題，係俾位美國上。因為亞洲四小龍裡面，新加坡同大韓民國已經免簽，如果台灣都免簽埋嘅話，兩隻香港主要使用護照幾時免簽，肯定係美國一著好有力嘅武器。 特別美國嘅電子授權系統，係有BN(O)嘅選項，關島試驗免簽，BN(O)係當United Kingdom Passport嚟處理，所以美國只要將BN(O)撥番入UK果度，BN(O)免簽就可以即刻生效。 BN(O)拒簽率、護照設計同申領程序同英國本土大致一樣，所以唯一阻力喺美國對華政策度。 如果香港入TPP，相信美國有可能對特區護照特殊處理（但特區護照設計亦可能要特別處理，睇會唔會恢復HKG代碼），同時俾BN(O)同特區護照免簽，但如果北京唔俾香港玩嘅話，美國只係俾BN(O)美國免簽，美國厚待英籍香港人，將會係北京苦心資助特區護照咁多年最大打擊，幾乎等於一鋪清袋。 後話：台灣如果真係要美國免簽，由於台灣係有無居留權嘅華僑護照，所以要夾台灣身份證嚟用。我相信如果特區護照免簽，美國以安全理由，有機會係只限香港、澳門等地出生人士，中國出生俾唔俾，係另一個技術問題。

喺100000網上petition背書下，House of Commons辯論英國公投檢討歐盟會員身份議案，大批保守黨議員唔跟黨鞭方向投票。當然，喺工黨變咗David Cameron支持者底下，議案被否決。 我明白我國有唔少人，特別England嘅人想退出歐盟嘅背景，大批東歐人攞咗基層職位，Home office管唔到佢地，咁除咗退出歐盟，仲可以點。 但我亦好坦白同我識嘅英格蘭人講，英國無條件退出歐盟。 1. 英國退唔到歐盟，同戴卓爾玩私有化政策玩過火有關，連重要軍工企業如Racal（Thales UK），或者製藥工業Zeneca呢啲公司都可以落入歐洲公司手中，咁退出歐盟有鬼用？隨時係觸發更大規模企業退出浪潮。 2. 英國自己依家個經濟底太弱，退出歐盟要有自主工業同農業做後盾，你無自主工業同農業，萬一英國經濟唔掂，你諗住邊個救你？David Cameron好清楚一點係，美國現階段救唔到英國，而過往對啲英聯邦國家太差，英聯邦其他盟友如紐西蘭、澳洲、印度、南非、加拿大、新加坡，甚至唔係英聯邦但有大批英國國民嘅香港，睬你都有味。英國自己都唔敢百分百肯定唔駛入歐元區求德、法打救。 所以David Cameron講，依家講退出歐盟唔係時候。獨立自主，係要時間經營，當年戴卓爾夫人做錯一大步，依家就係你想走都無得走，你怪得邊個？蘇格蘭如果真係公投成功，英格蘭更加唔駛旨意退出歐盟。

小弟雖然今日身體狀態唔好多（我係忍住肚痛）做《講東講西》，但小弟係不厭介紹我國國會House of Commoms係點辯論，因為喺曾蔭權、曾鈺成、黃毓民果場混戰，講真，真係非常極之難睇。 曾蔭權不學無術大家都知，都連佢可以用off topic嚟秒殺黃教授咁都唔知仲要黑面，呢條友真係唔啱做政客，因為呢個只係西敏寺式政治嘅ABC。 而曾鈺成更加難睇，唔駛講。 香港人，有啲人有見識，但有啲人無見識，有時好質疑果啲土共電話部隊嘅友仔，乜佢地好甘心香港政治咁沉淪？ 我個人有生之年，希望唔會喺香港再見到啲小學雞辯論，議會水準有英國嘅一半，己經好好。

英國外交部交俾國會嘅2011年上半年香港報告 我嘅評語係完全係垃圾，炒晒香港使館班hihi佢，同埋保守黨呢班廢柴，我一票唔會俾佢地。 我唔講其他，只講三月六日反預算案示威 「On 6 March, a larger group took to the street to protest against the government’s Budget proposals. Scuffles broke out between activists and police officers, ending with the arrest of 113 protesters who were later released on … Continue reading →

王慧麟：香港需要第二波人權立法 呢篇文，連埋林忌一堆關於歐洲人權發展嘅文，都需要睇。睇完之後，大概就知道香港應該點樣做，追番喺人權保障上，輸俾歐陸同埋美國嘅地方。 香港同英國基本上都係問題類近，英國去到1998年同IRA簽咗復活節協議後，至有《人權法1998》。第二波人權立法，雖然無論香港定英國都希望渺茫，好似英國要將豁出《里斯本條例》同《歐盟基本權利憲章》嘅部分做番英國人權法一部分，BN(O)唔平權無得做，BN(O)平權基本上唔只香港問題，亦係英國問題。而香港政制不改，第二波人權立法亦好難做。 但係難做，民間團體都要做。 1997年英國做咗兩件人權立法，都係民間帶波硬上馬嘅成果，一個係令少數族裔同東南亞華人有英國公民身份嘅BN(HK)A 1997，亦即BNA 1981 Section 4B嘅前身，當年一班尼泊爾、印巴、同香港人明知希望渺茫都硬上馬，成為少數喺House of Lords開波，一路帶到底線成功得分嘅議員法案。一個係今日英格蘭對付Stalker嘅Protection from Harassment Act 1997，有位家長因個女被人騷擾，搵到國會議員都無計可施，一個女人以公民運動喚起關注，最後成功立法。 當然咁樣帶波落底線，實有唔少妥協，令到條law有膠力，BN(HK)A 1997應付唔到南亞國家成日亂改國籍法，結果要BNA 1981 Section 4B確立de facto stateless BN(O)成為BC嘅權利。而Protection from Harassment Act 1997亦係膠味濃郁，2002年蘇格蘭就真係為Stalking立法，去年通過新法，跟住拉咗一堆變態佬，依家England and Wales都打算跟進。（你依家明白SNP點解可以喺比例代表制下，仍然攞過半席位，SNP喺處理民生問題，差唔多係全英最強，好多嘢London班友見蘇格蘭做得掂，就抄抄抄抄抄） 所以好多膠嘢，你明知困難重重都要做，呢個世界，機會永遠屬於有準備嘅人。

「 外 傭 居 港 權 案 　 高 院 裁 定 入 境 條 例 違 反 基 本 法 2011-09-30 HKT 12:16 首 宗 外 傭 爭 取 居 留 權 案 ， 高 等 法 院 裁 … Continue reading →