本來香港強迫市民益班基金佬已經好谷氣，依家政府仲千方百計諗住呃市民嘅棺材本落火坑，就更加接受唔到。

中國啲債本來喺國際上已經有啲難trade，因為一旦default咗係唔知點處理，始終唔係一個喺自由市場買賣嘅product。只不過投資市場，任何高風險產品，包括破咗產嘅公司嘅CDS都有人賭一餐，咁就算。

但依家係中國啲大公司大銀行頻頻喺海外發債，發到唔少玩開fixed income product嘅友仔，對中國公司嘅融資質素抱有懷疑態度，一旦中國經濟硬著陸就分分鐘rating大變，甚至引發違約事件。你依家仲話要俾MPF投資中國債市產品，你想呃香港人嘅MPF嚟救上面啲無底洞，陳局長，你有無良心㗎。

我嘅睇法係，絕對反對將你嘅MPF投資喺中國債市之上，陳家強快啲搞好MPF自由行先。但我嘅睇法，儘快廢除MPF最實際。

【明報專訊】雖然樓價只是從高位輕微調整，但本港「負資產」宗數已急升，今年第3季錄得1653宗，較上一季大增33倍（見圖），是2009年第2季以來新高。業界估計，這是因為去年8月政府第2度出招壓樓市之前，按揭證券公司批出大量90％以上成數的按揭，因而令樓價微跌負資產個案即反彈。」

話雖明報嘅講法，講到好似無事發生，因為都係銀行職員按揭果啲有關啫，但我唔係咁睇。

我諗如果你依家揸住香港銀行股，你最好諗個計劃沽咗佢，如果嚟個壓力測試，香港好多銀行應該要準備大筆撥備。

樓市再跌，好多九成按揭，即係港版房利美嘅按揭證券公司搞出嚟嘅膠，就會變負資產，結果銀行要準備唔少撥備。另一方面，香港啲銀行借好多錢俾中國公司，同樣好牙煙。

明報：惠譽警示內地貸款或令香港銀行被降級

東亞同埋幾間中國資本嘅銀行，對中國嘅risk exposure 接近或大過50%，而中國出現走數潮，足以引發香港嚟鋪擠提浪潮，絕對唔講得笑。特別東亞銀行嘅risk management，已經可以用麻麻嚟形容。而中國資金吃緊，樓市出現拋售浪潮，再同時出現中國公司走數或違約浪潮嘅話，你諗你仲揸唔揸香港銀行股。如果我係金管局，唔係受中國北京指揮嘅話，係時候叫啲手上成堆負資產，或中國借貸嘅銀行，提高資本水平。

2011-10-24 HKT 23:07
港 交 所 公 布 ， 將 推 出 一 系 列 為 上 市 公 司 而 設 的 服 務 ， 包 括 上 市 公 司 的 代 表 及 所 邀 請 嘉 賓 ， 將 有 機 會 在 交 易 大 堂 主 持 開 市 儀 式 ， 為 交 易 日 揭 開 序 幕 。 港 交 所 又 說 ， 待 交 易 大 堂 在 2013 年 完 成 翻 新 工 程 後 ， 開 市 儀 式 將 再 作 進 一 步 提 升 。
其 它 為 上 市 公 司 而 設 的 服 務 ， 包 括 推 出 「 認 識 上 市 公 司 」 研 討 會 系 列 ， 交 易 所 計 劃 每 月 舉 辦 研 討 會 ， 邀 請 相 關 行 業 、 板 塊 或 主 題 的 上 市 公 司 代 表 出 席 ， 講 解 公 司 最 新 資 訊 。 機 構 投 資 者 、 分 析 員 、 交 易 所 參 與 者 及 其 他 市 場 專 業 人 士 均 可 向 交 易 所 報 名 參 加 。 參 加 者 將 可 向 上 市 公 司 提 問 ， 加 深 對 上 市 公 司 及 個 別 行 業 了 解 ， 讓 上 市 公 司 與 市 場 專 業 人 士 建 立 網 絡 、 促 進 溝 通 及 提 供 更 多 公 司 資 訊 。」

李小加，我想問呢啲唔等駛嘅嘢，除咗滿足啲中國國企、民企老闆嘅虛榮心外，對成個港交所業績有乜幫助咁？

搞埋呢啲認識上市公司呢啲唔等使嘅嘢，證明港交所班友個腦係用屎做。港交所要做得好，唔該唔好俾黑池呢啲hihi嘢出嚟，市場係要個有公正、透明度夠嘅地方做交易，同埋搞番好個IT System先，披露易被hack單嘢，佢條hihi想走咗去？

香港交易所由呢啲中國嚟嘅友仔去管，注定無運行。

2011-10-16 HKT 18:16
備 選 特 首 的 梁 振 英 提 出 ， 每 年 興 建 3 萬 5 千 間 公 屋 ， 政 策 實 施 兩 年 後 再 作 檢 討 ， 又 建 議 提 高 地 積 比 率 ， 短 期 內 增 加 公 屋 供 應 ， 成 本 由 賣 居 屋 的 盈 餘 支 付 。
梁 振 英 出 席 社 區 座 談 會 時 表 示 ， 不 能 重 覆 過 往 十 多 二 十 年 錯 誤 ， 將 大 批 公 屋 集 中 建 在 新 區 ， 因 為 當 地 無 就 業 機 會 ， 交 通 費 貴 ， 因 此 公 屋 選 址 是 很 重 要 。 他 指 ， 當 局 應 評 估 房 屋 長 遠 供 應 ， 重 新 設 立 扶 貧 委 員 會 。」

梁振英喺人權問題上立場好保守，好乞人憎，但佢膠唔晒，喺公屋選址上面，佢講咗啲合符邏輯嘅說話。你將成班友送晒去無就業機會嘅地方，即係搵納稅人笨。

但市區要嘔靚地出嚟起公屋？你睇梁美芬西九新動力班hihi，幾反對喺泓景臺附近起公屋就知。梁振英呢鋪咁講，土共有批友自然避咗佢，地產商個個吼實市區靚地起發水樓昆中國班友水，梁振英真係同佢地對著幹。所以地產商實搏老命反梁振英，俾佢做特首，一樣日日被人喺北京打小報告打到暈，睇住嚟。

究竟有幾近，有留意Credit Default Swap 市況，就知我講緊乜。

中國CDS水平，喺9月30日升到接近200點子嘅水位，曾經升過200，即係反映市場人士認為，中國走數風險勁過法蘭西，而且好肯定，會越來越多人賭中國走數。

而中國CDS水平唔係人為炒作嘅結果，因為溫州就嚟可以改名做陶國能之州，因為好多企業老闆因為資金鏈斷裂而走數，走數呢家嘢，係會火燒連環船，最終好可能係銀行系統找數，屆時中國經濟唔係硬著陸，而係仆咗街，國金二期天台跳落嚟果隻。一旦出現呢種情況，中共政權做乜決定都會果頭近。

所以HSBC呢間同時受英國同中國經濟影響嘅大行，股價會一路食瀉藥咁跌。而人民幣你以為佢會長期升值，如果中國經濟有可能會free fall，你認為北京會由得人民幣升落去？人民銀行暗中干預，隊人民幣匯水落嚟就有份。依家仲揸人民幣，隨時變成唐英年一樣嘅傻仔。

有睇開呢個博客嘅朋友，相信佢地個人投資無乜大損失，但係時候renew你本bn（o）或加拿大護照。無睇開嘅，自己醒醒定定做人。

HSBC喺歐洲、美國、英國本土裁員，一早都估到，但點解香港都要裁咁多人，差唔多十分一人頭嚟自香港。

一方面，好似IT呢啲後勤工作，可以外判出去，或者搬過去印度、東南亞進行。但另一方面，我認為更重要係，HSBC反映佢地根本唔睇好所謂大中華區市場，中國同香港隨時會hihi爆，不如早啲炒人過冬好過。

如果仲有人講乜嘢發展一定要北上，諸如此類，我會建議果條友，驗一驗眼先。

公 民 黨 亦 要 求 盡 快 復 建 居 屋 ， 另 外 促 請 政 府 主 理 興 建 第 三 條 機 場 跑 道 的 諮 詢 ， 不 應 由 機 管 局 主 導 ， 又 要 求 成 立 獨 立 調 查 委 員 會 ， 調 查 副 總 理 李 克 強 訪 港 期 間 的 保 安 問 題 。 」

大家聽到一定話特首黐孖筋，依家成街都係錢，點可能通縮。咁你錯喇，香港確係有可能會出現通縮，但出現通縮呢件事，絕對係國家機密嚟。

如果人民幣持續升值，美元持續弱勢，香港當然會通脹。問題係人民幣依家幣值係無基礎，係大量熱錢撐出嚟。有以下三個情況，人民幣就會hihi:

1. 資金停止流入中國，反而大量流出，因為出現資金流出，人民幣個demand係keep唔到
2. 中國出口大減，因為人民幣好多需求係外貿美元轉人民幣嘅交易
3. 中國銀行系統崩潰

以上三樣嘢，都會發生，甚至同時發生。換言之，大家一見到有通縮，就可以準備著草。而港島區租金開始叫跌，由於租金係消費物價指數組成部分，租金會反映資金流出果部分嘅問題。而如果大家見到突然間人仔下跌，哈哈，大家諗吓發生乜事喇。呢次特首膠係講一半唔講一半，講咗前半，無講後半。

唔少好似小弟咁嘅廠佬子弟，深信香港可以重建工業，而美國中小企重回美國，成為香港重建工業嘅力證。

中國工人馬虎，訓練參差，呢個係廠佬都知。過往成本低就話，但依家中國工資上升，人民幣升值，運費受油價影響未平過，中小企因為付貨量唔夠，喺中國出口返嚟嘅運費好貴，咁點解要留喺中國製造？

由於港元同美元匯率關係穩定，香港有經驗工人水準穩定，年青人亦有一定自我要求，仲有咁多廠房可以用，點解唔可以重建工業？只要部分工業重返香港，部分年青人嘅失業問題，已經可以解決。

更重要係工業可以製造就業機會，但金融業製造就業機會少好多，在賺嘅錢上，貧富差距亦大好多，所以香港重建工業，至可能有番獅子山下嘅故事。

如果照舊計劃，中國股民可以用自己開立嘅戶口，直接買賣實貨，咁我覺得真係對香港股市有利，個場多啲人好過少啲人玩。

但依家個方案，原來只係俾證券商搞ETF，咁中國股民喺A股市場買ETF。呢招真係大鱷有得分，你就有得震。

喺中國呢啲監管不健全嘅地方，ETF有嘅嘢一定極盡騎呢，唔會係盈富基金呢挺指數追蹤基金，隨時係好似Blackrock嘅iShare咁，啲ETF連住一大堆唔知乜嘅衍生工具產品，屆時證券商又賺管理費，又可以揸住由ETF吸番嚟嘅水，喺香港衍生工具市場，以及其他方面舞龍咁舞，你唔被玩死就奇。

一句講晒，所謂惠港政策，又係中共收買大財主佬用，特別好似高盛果挺美資、歐資公司，香港啲證券行？乜你有資格搞ETF咩。隨時最肥仔果個，就叫HSBC。

我睇到呢段新聞，即刻爆粗，大佬，果堆停牌股份，包括HSBC、國泰、港交所，隻隻重磅，我想問依家恆指期貨仲trade得嘅咩？果啲牛證、熊證、衍生工具、結構性產品、債券等等，我想問依家點trade，trade佢老母呀？

披露易網站係唔係瓜咗我唔知，但披露易網站如果好易被人hack，就係李小加同SFC失職，如果披露易網站無事，或者其他用披露易嘅公司照trade嘅話，隨時係有人玩緊Ocean Eleven，即係有一大批股民，不論大細都被人打劫緊，大佬，《大時代》呀？

所以我即刻搞咗個page，要李小加即刻同我落台，香港唔需要呢件大陸佬搞亂港交所，唔該搵個正常嘅人掌舵港交所。

要求港交所行政總裁李小加立即落台