Category Archives: 財經

「“The United States can pay any debt it has because we can always print money to do that. So there is zero probability of default” 」 前美國聯儲局主席，格林斯潘 格林斯潘己經講得好明，美國已經有走數嘅準備，而且走數方法應該學香港某位醫生。香港果位醫生係將自己個名嘅J字delete咗，就以為自己找咗J數，查實係走數。而美國就狂印銀紙，美國發國債果陣，應該無保證過美金嘅購買力永遠不變。 當美國用呢種方法走數果陣，即係用緊德國喺1923年嘅走數方法，中國成手美債就好大鑊，人民幣基礎會不堪一擊，而且咁多美金走嚟走去結果就係中國惡性通脹，你話美國死定中國死？ 如果你以為中國好好景，咁你應該祈禱美國永不走數。

因為大家仲睇標普今晚對聯邦政府以下美國政府機構credit rating睇法，同埋惠譽以及穆迪會否跟進降grade(因為有唔少程式買盤係要惠譽同穆迪是但一間都降grade至會發作)，所以今日香港上午時段同中國有關嘅股票食瀉藥，澳洲債券同澳幣被人係咁買入(程式買盤作怪，果啲要S&P AAA Rating資產作擔保嘅product同US T Bill/T Bond 轉澳洲政府債券)，而下午HSBC Holdings plc收復失地，跟手法、英、德股市做好，港股亦跌幅收窄。 大家睇到HSBC依然重磅，而香港個市可能要睇歐洲食飯，因為歐洲央行入市買意大利、西班牙國債，阻止eurozone嚟劑大default，所以HSBC被睇好。 只不過正如泰唔士報今日社論講，如果歐洲hihi就真係hihi，加上美債咁玩法會影響中國，睇嚟乜都唔做，或將避險資金挺進加拿大可能比較好(唔好澳洲，澳洲紙太高，亦同中國關係太密)。

標準普爾已經將美國主權評級降為AA+，並且同時列入負面監察之中，即係評級有可能進一步調低。 由於惠譽同穆迪未降級，所以唔會引發所有以美債信貸評級為基礎嘅資產降級狂潮。但標準普爾宣布降級嘅時間相當糟糕，相信所有程式買賣盤會喺第一個恢復交易嘅遠東美元區市場出現，即係香港將會硬食第一波衝擊，大家諗到周一早上將會有乜事發生。 但長遠香港同中國係好牙煙，香港貨幣以至銀行資產質素會即時劣化，港元貶值、加息(借貸成本係基於評級)同埋樓市會出事。但中國仲牙煙過香港，因為中國太多美債，加上中國出口都係唔值錢嘅嘢，唔似歐日嘅工業基礎，所以人民幣市場仲激過過山車。 我個人相信，加拿大同北歐等國會水浸，因為有天然資源、評級又好，公共財政未有大危機(CDS可以睇到)，如果以為中國會受惠，就真係發夢太早。

小弟有啲議題係無論如何都要追斬，其中一個係強積金。小弟寧可抽時間上去立法會panel講嘢都要反對到底。 依家強積金係不知所謂嘅制度，因為強積金可以侷我地俾百分之十入息，但係金融界可以唔駛講績效，蝕錢照收比Private Bank仲要貴嘅management fee，簡直係幫金融界搶我地啲錢，真係好似王弼講，正宗係金融霸權。 正如王弼講，俾錢果班金融界廢柴，不如俾大家供款買盈富基金或者iBond算喇，又無乜管理費，盈富基金嘅績效跟大市浮動。依家政府仲敢提要提高強積金供款最高入息，以後啲搵兩萬蚊左右嘅朋友要供多啲，乜世界？

[youtube=http://www.youtube.com/watch?v=nHVygjtm5y0] 之前講過，除了《七百年後》，陳奕迅有另一首歌是以垃圾佬為題材，那就是英皇時期的《天使的禮物》，另一首尊重基層勞動價值的歌。本來想遲點才提這首歌，但為何我會提這首歌，因為今天《香港經濟日報》副刊專欄方文正篇文。 黃雅麗：由賣帽少女說起 我家便是廠佬家庭出身（對我而言，做廠、金融同貿易都不是陌生東西），當然，做到Leona所講的科網六子很好（買書去這裡，這本書不錯，六個人當中有五個人都值得大家敬禮，小弟唯一有保留是EditGrid的David Lee，他當年在iProA的表現完全說服不了我尊重這個人，所以我一直拒用EditGrid。），但這名賣帽的女孩，用雙手換取生活有什麼問題，她不願靠政府救濟食飯，願意自己找一條路不正是應該鼓勵的麼？ 更何況，誰能一定說死這女孩子，最後不會成就自己的時裝品牌，在香港製衣界人人尊重的黎智英，最初也是幫美國做OEM，後來他為了追求利潤，就自創時裝品牌，今天廉價時裝連鎖店的買布、設計方向、存貨管理等等，就是黎智英佐丹奴模式的變種。正如黎智英在《事實與偏見》專欄多次講，做生意不是憑空想像一些東西出來，一時間天馬行空是什麼都沒有，要靠實在的經驗和改進，虛心的學習才能成就大事業。小弟自己過往經營過小貿易行，這貿易行不是成功，但由這小貿易行學到的東西卻是受益匪淺。 香港太多人腦袋仍然維持在董建華年代了，做Steve Jobs是一條路，做Leona筆下科網六子是一條路，做大金融生意是一條路，但做這些小生意開始都是一條路，條條大路通羅馬，特別在現在這個年代，查實最好創業，因為大公司都崩潰中，群雄最好起於亂世。創業最重要是決心和努力，但由什麼方式開始，戰略可以有不同。要人人都當漢尼拔，結果一下子不留神便被費邊玩殘。

http://bvehk.net/viewthread.php?tid=11216&extra=page%3D1&page=2 小弟留意到有部分香港鐵路迷，對日本鐵路的盲目崇拜，已經去到有點不求甚解的地步。 小弟在東京公幹一定用Suica的，Suica有效期比八達通長太多，對遊客甚為便利（一張Suica有效期十年，小弟不建議經常往日本旅行公幹的朋友退掉Suica卡，應該好好保留）。 外國人都會考察Suica與八達通之間的分別，但Suica的普及程度上，是出了狀況。 http://www.jreast.co.jp/suica/area/shopping/index.html 以上是JR東日本提供的Suica接受商戶清單，與香港八達通無處不在的情況，相差太遠。小弟用Suica的經驗是，Suica不能取代零錢，出了車站周邊地區就要付現，至少7-Eleven沒有接受Suica，日本7-Eleven採用了自己的系統，而日本7-Eleven是零售界的龐然巨物，他們拒絕與JR東日本合作，就注定Suica的應用能力不能與八達通比，可不要以為用維基日文的資料，就可以唬一唬小弟才成。 日本鐵路當然有很多值得學習的地方，例如他們的直通運轉、複軌設計、通勤作戰的戰略眼光等，但日本鐵路的票務管理，假若小弟是JR東日本公司，會將Suica分拆成一間公司，以類似八達通公司模式經營，並游說其他公司入股，港鐵在策略上做對的關鍵一步是，八達通公司是香港所有公共交通機構都有股份的公司，不會搞得日本不同鐵路公司要搞各種電子車票互通搞到頭都大的狀況，營運的人，不是由交通方面的人出身，而是銀行搞支付平台的人出身，所以才會有八達通日日賞，地鐵友禮會，以至八達通無處不在的狀況，連旺角報販都有八達通終端機，這不是八達通公司搞出來的，而是恆生銀行去推動，這種營運策略問題，JR東日本是沒有想過，結果白白浪費Suica本來可以有的優勢。 硬件方面，香港的八達通也是日本技術，但為何香港青出於藍更勝於藍，這就是營運戰略問題。香港是由通用儲值票年代，已經在搞跨交通工具共用付款平台（當時是九鐵、地鐵、九巴、城巴），八達通今天的成就不是一朝一夕石頭爆出來，對很多旅遊人士而言，日本鐵路令人印象深刻，但仔細研究起來，日本鐵路有他的強項（列車技術、車廂清潔、班次和路軌運用效率超卓），但在車站管理，以至JR私有化問題等方面，小弟只能說，港鐵在這些問題上，便是港鐵能成為走出國際的鐵路管理公司原因。 後話：沒錯，日本有些只服務幾百人，或幾千人的重鐵站，這也是日本國鐵被拆散成七間公司後，只有JR東日本、JR東海、JR西日本能夠成功民營化的原因，因為車站物業不能用來償還日本國鐵沉重負債，現時日本國鐵的債務仍然是一大手尾。小弟是曾經就這個問題，在《都市日報》兵器譜專欄作詳細介紹，如果日本JR公司能提升車站運用度，日本國鐵的債務問題可會是一個大頭佛？ 黃世澤：私有化日本 再比較一下大手私鐵，大手私鐵很多時是地產和零售百貨的巨人，原本日本國鐵私有化的算盤，便是仿傚大手私鐵，以至港鐵那種以地產，以及以車站為中心的周邊產業養鐵路的模式，但很不幸，JR是做得不好。