點解呢度會開 課金 模式?

由偵查點新聞開始,我呢度開咗 課金 模式,一方面要杜絕果啲好似《立場新聞》、《熱血時報》呢啲扮Huffington Post嘅傳媒不勞而獲。另一方面,要查真相,堅要錢。無乜理由要長期要我做Iron Man,去自己私人俾錢去查。

以起人底最常用其中一個工具domaintool為嚟,要買IP History知道間嘢嘅來龍去脈,一個domain要49美金

課金-1

要查modia limited嘅背景,一年嘅Annual Return要港紙18蚊,一般都要買兩年或以上,要查埋modia limited母公司,又要另俾18蚊港紙,要知道王運豐做緊幾多間公司董事,又俾22蚊去查。有無查出結果都好,你都要係要俾咗錢先。呢次一共俾咗96蚊港紙,查點新聞班大帝。

課金-2

成個點新聞調查,就用咗482蚊港紙,如果唔係有讀者贊助,同財雄勢大嘅中共比,可以燒得幾多次?

要查啲古惑車嘅背景,除咗Company Search嘅錢,仲要俾車牌Search嘅錢,盛惠港紙45。呢啲資料絕對無可能Google,只能俾錢買呢啲查閱紀錄。

大家知點解要開 課金 模式,依家我公開我可以用嚟收錢嘅帳號:

Paypal:https://www.paypal.me/martinoei
電訊盈科拍住賞拍還拍:請電郵本人查詢(或本人手機號碼)
香港恆生銀行(支票或現金存款):395-158777-882 WONG SAI CHAK
台灣永豐銀行(銀行代碼 807):178-004-0008358-1 黃世澤
電子支票:抬頭「WONG SAI CHAK」,寄 [email protected]
多少無拘


國會都未討論過,公務員點答應你 歸英 ?

香港 歸英 呢個論述,對大部分香港人嚟講,呢個論述最吸引,因為對大部分香港人嚟講,佢地只係要1997年前管治正常嘅聯合王國第二大城市,而唔係要做中國革命中心,華夏振興基地。而《英中聯合聲明》走數下, 歸英 亦係技術上最可能令香港脫離中國統治嘅方案。

只不過 歸英 對大中華左膠固然係大敵,果啲根本有私心嘅熱普城教徒,一樣唔會接受。而UK in Hong Kong專頁喺8月18日直播,有人問吳若蘭香港會唔會 歸英 ,吳若蘭話唔會,跟住成棚大中華左膠,熱普城教徒,大講乜叉 歸英 夢碎。

歸英-1

呢幾年,我喺《聯合早報》做得最多嘅其中一件事,就係解釋西敏寺體制嘅運作邏輯,好多左膠,以至熱普城中人,根本係唔了解西敏寺體制下,英國駐港最高專員(或英國駐港總領事)嘅位置,就大放厥詞。

西敏寺體制下,英國駐港最高專員係公務員,香港 歸英 等同宣戰咁大件事,公務員根本只能夠照稿背,就係話一國兩制運作良好呀,英國唔會收番香港。因為要香港 歸英 ,有唔少技術問題要解決。

1. 要國會Repeal Hong Kong Act 1985,至低限度恢復《南京條約》同《北京條約》下界限街以南地區女皇嘅主權。因為香港唔係Malaysia Act 1963下,自願永久棄絕對海峽殖民地主權﹐所以呢部分可以透過國會單方面立法搞得掂。

2. 要解決界限街以北無主之地嘅問題,由於大清帝國不復存在,界限街以上可以話係無主地,或係中華民國土地,可能要尋求台北方面立法,授權界限街以北民眾自決前途,或委托英國管治深圳河以南,界限街以北嘅土地。呢個亦係點解香港無公投下,主權遭到出賣嘅原因。呢個絕對要國會通過動議去授權,唔係吳若蘭話到事。

3. 英國政府內部親華派有排清理,首相文翠珊啱啱至喺核電廠問題上,因國家安全為理由推翻財相嘅決定,呢件事有排搞,亦係英國同契丹關係交惡一部分,你班友咁心急做乜?

我只可以講,呢啲事,往往反映要推動香港 歸英 同時,更推廣香港人認識西敏寺體制同遊戲規則,另一方面,亦係一面照妖鏡,熱普城為咗鞏固契丹嘅統治,呢班友甚至比左膠更衰,左膠唔認自己係大中華膠,但左膠行為唔掩飾佢地係大中華膠,熱普城班仆街係夠薑將永續《基本法》,確立契丹在港主權,都講成係港獨呃選票。我有時會同左膠做朋友,但唔會同熱普城做朋友囉。

(調查報導係要用錢,例如查冊都用咗錢,所以呢度持續接收捐助,用香港,台灣銀行轉賬或櫃員機現金存款,請電郵 [email protected],海外paypal係:https://www.paypal.me/martinoei。)


1&1 Hosting


王運豐 點解搞 點新聞 ?無啦啦唔選立法會搞邊科?

點新聞咁高調咁搞梁天琦,背後搞出一堆黑幕,果位契丹人神秘大股東固然好有問題。但高調浮上水嘅 王運豐 ,同樣係古靈精怪。背後嘅黑幕,似乎並唔係咁簡單。

喺Google Play Store較早前,你打 王運豐 ,你會搵到以下嘅App

王運豐-1

王運豐-2

由google play嘅紀錄所見,王運豐 好明顯喺七月中都仲磨拳擦掌,打算出嚟選2016年立法會iT界功能組別,連app都寫好, 王運豐 無理由玩玩吓啩,用自己公司嘅資源去寫app幫自己助選。7月14日仲更新個app,跟住無出嚟選,出咗個楊全盛出嚟,仲要一個樣衰到接大量政府project被篤爆後,連選舉論壇都甩底。究竟 王運豐 接咗乜project,令到佢唔出戰立法會?之後就出現點新聞呢單嘢。呢單嘢後面嘅真相,似乎都相當核突難睇。今年選舉,仲有幾多污糟嘢我地係唔知嘅呢?

(調查報導係要用錢,例如查冊都用咗錢,所以呢度持續接收捐助,用香港,台灣銀行轉賬或櫃員機現金存款,請電郵 [email protected],海外paypal係:https://www.paypal.me/martinoei,另,除全民媒體,其他網媒要轉載,唔該問咗我先)


香港搞 電子道路收費 ?想益邊個先?

香港政府一直密謀搞 電子道路收費 ,當然,香港政府好多政策,依家都係想謀利財團。比起新加坡嘅 電子道路收費 平台政策,再比照依家香港白痴到駕易通玩X晒嘅政策,就知道 電子道路收費 本身,都係想輸送利益俾契丹。

電子道路收費-1

喺新加坡,任何一張可以用嚟搭地鐵同巴士嘅智能卡(唔計地鐵單程飛),都印住ERP字樣,因喺新加坡,無論你用ez-link卡,定係Nets flashpay卡,都可以插入 電子道路收費 讀卡機度,用嚟俾ERP費用,依家你揸住花旗銀行新加坡信用卡,網上登記後,連卡唔駛入,直接過ERP,之後喺信用卡度計數。(如果新加坡DBS Credit Card,請登記Motorpay)

香港呢?快易通大股東係港通控股,港通控股大股東係重慶李嘉誠之稱嘅張松橋,大家都知快易通係幾X麻煩一個系統。每月收月費,仲要安裝同申請麻煩。依家香港成街八達通,泊車都係八達通,但各大隧道仲係用唔到八達通,你話發生緊乜事?

唔該政府講清楚Autotoll呢舊蘇州屎點處理,至好講乜叉電子道路收費。

(捐助本博客:https://www.paypal.me/martinoei[email protected]


點新聞 根本係由契丹五毛營運嘅公司

點新聞 好明顯係一間契丹公司,只不過,係土共五毛營運,定係契丹班五毛營運,純粹睇表面係睇唔到。只不過, 點新聞 網站嘅設計者 modia limited嘅背景,可以睇到端倪。

點新聞-b1

1. 首先,modia limited就係文匯報網站嘅技術提供者

點新聞-b2

所以好肯定,文匯報同 點新聞 係同一黨人。

2. modia limited嘅股東係其中一個關鍵,呢班友係純土共,定係中國派嚟嘅人,好清楚呢班友想點。而根據公司註冊處紀錄,modia limited嘅董事,根本係一個契丹人

點新聞-b3

3. 更重要係,modia limited嘅大股東,hong kong times new media limited,但大股東,都係呢位天津嘅契丹人

點新聞-b4

呢次,簡直係契丹人同政府,明張目膽干預香港選舉,同埋滋擾港獨分子,呢啲唔係殖民政策又係乜?

(調查報導係要用錢,例如查冊都用咗錢,所以呢度持續接收捐助,用香港銀行轉賬或櫃員機現金存款,請電郵 [email protected],海外paypal係:https://www.paypal.me/martinoei,另,除全民媒體,其他網媒要轉載,唔該問咗我先)


點新聞 擺明係中共嘅抹黑產品

梁天琦喺太古城遇襲事件,梁天琦以為係《大公報》啲狗仔跟佢,點解突然爆出個 點新聞 出嚟。有人用Whois查 點新聞個底,點知連Cloudflare嘅CDN本質都搞唔清楚,唔知Cloudflare啲IP個個一樣。

呢啲情況,係要買份report去查番 點新聞 個底,特別係IP History。而今次承蒙讀者小R贊助,得以即買report去查呢班友個底。呢度歡迎小額捐助,令大家可以睇到符合公眾利益嘅嘢。

有幾點大家要注意:

1. 點新聞 個domain喺今年四月買,而一開始已經係登記《文匯報》,幾乎肯定係土共作為。

點新聞-1

2. 點新聞 係最近為隱藏真實IP至改用Cloudflare,本來係用美國啲hosting服務,換言之,Cloudflare後面果個IP,根本唔見得光。

點新聞-2

3. 點新聞 本來用嘅IP,同多個病毒site有關,大家知呢個server本來用嚟做乜

點新聞-3

換言之, 點新聞 只不過係一班仲衰過五毛嘅人搞嘅嘢。大家要明確杯葛呢啲五毛行為,否則香港真係永無寧日。

(因為香港太多無良抄抄子,而呢篇報導係讀者贊助至出到街,我亦唔係做免費勞工,除咗較早前同我締立轉載協議嘅全民媒體外,其他網媒請尊重他人成果同呢度讀者捐助,問咗我至好轉載,唔該。)

如要捐助,請喺facebook專頁查詢。


李國章 點解要擦鞋擦到咁核突?

李國章 教授本來行事作風都幾核突,只不過,近年可以用無最核突,只有更核突去形容。 李國章 有錢,佢七十歲人,政壇升到做局長已經係頂峰,雖然DBC執咗,但佢喺DBC搵到第二春,算係人生贏家。何苦要做人核突成咁,真係衰收尾。

只不過,我用一個屋企做生意第二代角度去諗, 李國章 為咗 東亞銀行 呢盤家族生意,佢咁做無可厚非,而近日標準普爾對 東亞銀行 嘅評級展望,印證咗我呢個諗法。

李國章-東亞銀行

東亞銀行 受中國經濟影響,撥備越嚟越多。依家評級機構要評估銀行前景,係用係唔係「too big to fail」做評斷標準,銀行同政府嘅關係,政府會唔會出手救佢,係評級前景嘅關鍵。

渣打同HSBC係一定會有政府救,因為堅係 too big to fail,而渣打可能同時有英國、香港同新加坡政府相救。英國主要結算行,香港發鈔行,淡馬錫控股主要投資,政治保險買到十足。但 東亞銀行 ,唔係發鈔銀行,唔係主要西方國家嘅銀行,又無淡馬錫呢類主權基金照,咁 東亞銀行 一旦有事,邊個救佢至得,唔想俾人吞併,唯有靠攏政府。

李國章 不惜英名盡喪,為嘅可能係一眾 東亞銀行 股東。只不過,香港政府會唔會領佢情,好難講。張震遠夠搏老命幫梁振英,大家睇商交所嘅下場係點至得架。DBC死政府都無點出聲,如果 東亞銀行 要政府支持,政府會唔會支持佢?

標準普爾呢次悲觀評級,係有理由嘅。


向FINA投訴中國五毛野蠻行為

相信大家仲記得,上次香港人以政治理由噓中國國歌,結果被國際足協罰款果件恥辱。

香港人噓國歌,就被人罰。依家澳洲金牌選手Mack Horton批評吓中國選手,成班現代義和團就圍攻。如果呢班義和團唔需要被懲罰,仲維持乜嘢體育精神,簡直無天理。香港人噓中國國歌係言論自由,但中國五毛係咁欺凌他國選手,就一定唔係言論自由,係挑戰體育精神。

根據國際泳聯現有規章

FINA-Regulation

All forms of harassment, be they physical, psychological, professional or sexual, are strictly prohibited.

依家好清楚,中國網民嘅行為,根本係騷擾,完全違反FINA嘅規章,如果咁樣都唔對付,啲五毛就越嚟越囂張,咁仲講體育精神做乜,呢種行為仲衰過食禁藥。為維護奧運精神又好,為維護香港民族尊嚴都好,都應該寫一封英文信,向FINA正式投訴中國五毛嘅無賴行為。如果讀者係澳洲公民,就更加應該咁做,因為你係澳洲人,作為一個澳洲公民,係有責任喺澳洲國家隊受不公正待遇果陣挺身而出,要求FINA正視呢班五毛。

呢度係FINA嘅電郵地址:[email protected],令中國隊受到處分,大家應該好高興。


只有香港獨立至令傳媒注重香港 奧運 隊

2016年里約熱內盧 奧運 啱啱開幕,好多傳媒簡直係殖民主義作崇,只係關注所謂中國第一金。香港,中國一邊一國,中國有無金牌,幾時攞金牌,關鬼叉事呀。

如果比較番新加坡,你更加發現,依家所謂香港奧委會,同埋啲傳媒都係一樣,完全當香港 奧運 隊係隱形。

奧運-Olympic-2016-SG

點解香港街頭,完全無任何巴士站廣告,幫香港 奧運 隊打氣嘅,唔係應該有商界同政界支持香港 奧運 隊嘅咩?講嚟講去,香港依家係中國殖民地,中國為咗消滅香港認同,先搵一班土共控制住香港奧委會,然後傳媒同奧委會不斷咁矮化香港 奧運 隊。跟住傳媒,就不斷為完全無體育精神,懷疑喺舉國體制下食咗禁藥嘅中國隊吶喊助威。

香港為咗自己嘅民族主義,係唔係應該籌款搞巴士站廣告,學新加坡咁為 奧運 健兒打氣。當然,我唔會指望出賣香港人嘅香港政府,喺香港獨立之後,香港 奧運 隊有正式嘅國家隊身份,就會得到屬於香港人嘅政府高度重視。

其實點解台灣 奧運 隊受待薄,都係因為班國民黨操縱奧委會,要矮化台灣認同。中國人,真係無一個係無辜。


熱普城 絕對唔係港獨派

喺獨派興起後, 熱普城 呢班政治騙徒一路大叫永續《基本法》,鞏固中國對香港嘅殖民統治,一面又扮港獨派呃票。仲有 熱普城 啲白痴,仲要話佢地嘅永續《基本法》就係獨派。

只不過,陳雲教授自己喺Facebook講得好清楚

熱普城-陳雲

咁攻擊港獨, 熱普城 都仲係獨派,啲教徒仲夠薑話我了解唔夠,呢班政治騙徒周圍呃人呃夠未。

當中國係一個唔會信守承諾嘅國家,支持永續《基本法》嘅 熱普城 ,憑乜嘢信中國會信守承諾,甚至認為中國會支持修憲。如果中國肯修憲,乜仲有雙非問題咩,我早喺1996年已經要求修改《基本法》,但中國唔係修改《基本法》24條,而係乘機搏懵人大釋法。結果又咪一樣成堆中國人嚟香港生仔。

邊個 熱普城 仲想呃獨派票,見一個要丙一個,唔好放過任何政治騙徒。